12 تصريحا من حسن يوسف عن تعرضه للنصب وحسد عمرو أديب وإسعاد يونس لمحمد صلاح

محمد أحمد | فى حياة المشاهير

حسن يوسف

الجمعة , 15 أبريل 2022 - 12:52

حل الفنان حسن يوسف ضيفًا على برنامج "كلام الناس" على قناة mbc مصر.

كشف حسن يوسف العديد من الكواليس والأسرار حول حياته الخاصة وسبب ابتعاده عن التمثيل وتفاصيل اعتزال زوجته الفنانة شمس البارودي، وعلاقته بالشيخ الشعراوي وهو ما سنرصده في السطور التالية...

نرشح لك: شيرين عبد الوهاب تكشف عن رسالة محمد صلاح التي أثرت فيها ورأيها في ارتداء الحجاب

- ابتعدت عن الشاشة السنوات الأخيرة بسبب تراجع قيمة الأدوار المعروضة عليا أو عدم الاتفاق من الناحية المادية مع المنتجين.

- أزمة عدم ظهوري على الشاشة أغلبها تتعلق بالأمور المادية فيحدث الخلاف على أجري في المسلسل لما تكلمهم في الفلوس تقرصهم عقربة.

- كل ما أملكه هو تاريخ فني كبير ورصيد سينمائي لا يمكن التفريط في قيمته بأدوار ضعيفة.

- نبدأ يومنا أنا وشمس الباروجي من الفجر، نصلي ونقعد شوية مع ربنا والمصحف والتسبيح، ولو لينا مزاج والجو حلو نروح نادي الجزيرة، نقضي اليوم مع أصدقاءنا وهم سميرة أحمد وسمير صبري ربنا يشفيه، ونتجاذب أطراف الحديث، وناكل ساندويتشات الفول والطعمية، وعلى المغرب كده نروح، ده اليوم العادي.

- أنا مجنون كورة، وبحب اتفرج على محمد صلاح.

- محمد صلاح عامل كل اللي يقدر عليه مع المنتخب ورفع اسم مصر عاليا جدا في إنجلترا، وبنتي الكبيرة هناك بقالها حوالي 20 سنة، بتقول محمد صلاح عامل قلق والناس كلها بتتكلم عنه، وقبله كانت الناس بتتكلم عن بيكهام، وزي ما أسبانيا بتتكلم عن رونالدو وميسي بيتكلموا عن محمد صلاح.

- الحظ تخلى عن محمد صلاح الفترة الأخيرة هو شاطر وبيعمل اللي عليه في الملعب كما يجب، ضربة الجزاء اللي ضاعت منه أمام السنغال متضيعش من محمد صلاح يعني، أنا بقول إنه خد عين يعني، طلع مع عمرو أديب وإسعاد يونس، طبعا خد عين، الله يسامحك يا عمرو إنت وإسعاد، عمرو أديب وإسعاد يونس حسدوه إسعاد شخصيا هي اللي حسدته.

- الإمام الراحل محمد متولي الشعراوي طالبني بتقديم أدوار لأئمة الإسلام وتجسيد أدوارهم الهامة في خدمة الدين والأمة والبعد عن الأدوار المسفة والإغراء.

- الشعراوي قالي كوباية الميه دي بنشرب احنا فيها ميه وغيرنا بيشرب فيها خمر، الكوباية مالهاش زنب، قدم أدوار نافعة للناس مش مهم تكون داعية لكن ابتعد عن أدوار المعاكسة والغرام.

- كنت عايز اعرف الشعراوي توفاه الله ازاي وقعدت مع ابنه وزوج بنته قالي كنا قاعدين وقالنا اخرجوا فخرجنا وسمعناه بيكلم السيدة عائشة والسيدة نفيسة لغاية لما قال حتى أنت يا رسول الله وأنا اخدت اللي قالوه وحطيته في المشهد لكن جسمي اشعر لما عرفت ازاي توفاه الله.

- تعرضه للنصب من حارس على قطعة أرض اشتراها في فترة أوائل السبعينات اشتريت 20 فدان، وكل شوية الحارس يطلب مني فلوس وأنا أديله، وفي الآخر الأرض صفرا، وجبتله عجول، رجعت لقيته بيقولي فيهم 2 ماتوا، لحقت منهم أنا 3، جبت واحد صاحبي كبابجي وحملناهم وفاجئناه، والحارس بتاع الأرض اللي جانبي، قالي يا أستاذ حسن، ده في جوازة بنته دبح عجل من العجول والناس كلها كلت منه.

- رحت للشيخ الشعراوي سيدي، فقالي وإنت إيه اللي حدفك الحدفة دي، متشتغلش غير الحاجة اللي ربنا مسخرك ليها، إنت ناجح في شغلك، بيع يا ابني، فسمعت بنصيحته، وبيعت، وخسرت 7 آلاف جنيه.