محمد نجاتي يتراجع عن تصريحات البطاطس: كنت بهزر وهاخد حقي بالقانون (فيديو)

محمد أحمد | فى حياة المشاهير

محمد نجاتي

الخميس , 14 أبريل 2022 - 11:04

تراجع الفنان محمد نجاتي على تصريحاته المُثيرة للجدل حول عرض سيناريوهات سيئة عليه وإعطائها لوالدته لكي تصفي عليها البطاطس.

وقال نجاتي من خلال فيديو عبر حسابه بموقع التواصل الاجتماعي Instgram: "كان لازم أطلع وأوضح وجهة نظري في الكلام اللي اتفهم عني غلط كنت بتكلم يا جماعة عن فترة زمنية معينة اللي هي ما بعد فيلم (رق البلح) دي كانت أواخر التسعينيات، والفترة دي كانت أفلام مقاولات وورق هابط".

نرشح لك - كرامات أحمد أمين في "جزيرة غمام" .. عنب وبلح وقدرات "هوديني"

وأضاف نجاتي: "عبرت عن تعاملي مع هذا الورق بنوع من أنواع الدعابة الهزار كنت بهزر معرفش أتاخد عليا ليه أنا متربي علي إيد أساتذة كبار مثل بشير الديك ومحسن زايد وأسامة أنور عاكشة".

وتابع: "بدأت حياتي وأنا صغير في كتابتهم، اما بخصوص الناس اللي تلفظوا بألفاظ مش هرد عليهم بتصريحات حقيرة وهجيب حقي بالقانون".

وعلق نجاتي على الفيديو قائلا: "مفيش أحقر من اللي انت قولته ! وحقي هاخده بالقانون".

View this post on Instagram

A post shared by Mohamed Nagaty (@mohamednagatyofficial)

وكان محمد نجاتي قال في لقائه ببرنامج "كلام الناس" عبر قناة mbc مصر مع ياسمين عز: "السيناريو اللي مش عاجبني هيعجب غيري، وطالما أنا شايف أني مش محتاجله أو دون المستوى مش هعمله، بعد فيلم عرق البلح اتعرضت عليا سيناريوهات ومكنتش بحبها وكنت واخد جائزة أحسن ممثل في بلجيكا، لما كان بيتعرض عليا فيلم وحش كنت بخلي ماما تصفي عليه البطاطس علشان يشرب الزيت وأهين السيناريو".

وخلال اللقاء تتطرق محمد نجاتي للحديث عن أزمته مع منة عرفة وقال: "كلميني في بوسة أو حضن مطار أو مشهد رومانسي ومع أن دة بردة عمرنا ما سمعنا عنه احنا ما اعتدناش على كدة والصغير بيتكلم في الفن وكأنه ناقد والسينما النظيفة هي تقديم فن راقي".

وأضاف "مش عارف مين المسئول عن إسكات الناس دي ولما اشتكيت لقيت جوز منة عرفة مش عضو في النقابة ورفعت عليه قضية".

يذكر أن آخر أعمال محمد نجاتي مشاركته في حكاية "رق الحبيب" ضمن حكايات مسلسل "ورا كل باب" من بطولة سوسن بدر وأحمد فؤاد سليم.

اقرأ أيضا:

الحلقة 12 من "الاختيار 3".. ظهور عصام الحداد وتسريب لخيرت الشاطر عن التنسيق مع حماس

حاتم صلاح (نفادي في الكبير) لـ"في الفن": ترشحت في البداية لدور "العترة" وكدت أترك التمثيل لولا أحمد أمين

شيماء سيف لريهام سعيد: الست مش بتفقد أنوثتها مهما بلغ وزنها وممكن أقولك باروكتك وحشة

حقيقة تعدي حميد الشاعري على مسؤولة إعلامية بالضرب .. لماذا حررت محضرا له؟

لا يفوتك- 14 نجما غابوا عن دراما رمضان 2022 بعضهم اهتم بالسينما وآخرون غيبهم الموت

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5