ماذا قال عمرو يوسف عن أزمة تصريحات شيرين عن عمرو دياب خلال حفل زفافه؟

محمد أحمد | فى حياة المشاهير

عمرو يوسف

السبت , 9 أبريل 2022 - 20:27

تحدث الفنان عمرو يوسف عن تصرفات الفنانة شيرين عبد الوهاب خلال حفل زفافه والتي سببت لها مشاكل عديدة خاصة تصريحاتها المثيرة ضد المطرب عمرو دياب.

وأضاف عمرو يوسف، خلال حواره ببرنامج "حبر سري" مع الإعلامية أسما إبراهيم، على قناة القاهرة والناس: "عندي لوم وعتاب على اللي نزل فيديو مشكلة شيرين عبد الوهاب وكلامها عن عمرو دياب على السوشيال ميديا، وأنا أعلم من هو ولكني لن أقول من هو وسأعتبر الأمر موضوع وعدى".

نرشح لك - كويز "في الفن" تحدي جمهور "الكبير أوي" ألعب معانا اختبار "حلقة السبيط"

وقال إن الهضبة عمرو دياب كان سيحضر الفرح وحدث ظروف منعته من التواجد، فهو نجم كبير جدا ويشرفنا في العالم كله وشيرين صوت مصري يحمل إحساس غير طبيعي.

كما كشف تفاصيل الشائعات التي انتشرت ومتعلقة باعتدائه على عامل في الجونة خلال مهرجان الجونة، ورد على الواقعة لأول مرة قائلا: "تعرضت لظلم شديد وأغلبية الوقت مش برد وأول مرة اتكلم عن الموضوع ده واللي حصل أن نزل خبر انى اعتديت على عامل عشان طلب يتصور معايا، ومش متخيل إزاي حد يصدق حاجة زي كده أني اضرب شخص نفسه يتصور معايا وده عبث".

وذكر عمرو يوسف: "الحقيقة كنا معزومين على العشاء في ثالث ليلة من أيام المهرجان وكنا 20 واحد على التربيزة والولد ده كان حاطط كاميرا التليفون على صدره وبيصور بخبث وكشفته وقلت له بتعمل أيه خاف وساب الفن وجري وطلعت بره لقيت الولد واقف بره وقلت له افتح الفون خاف وطلع يجري".

وتابع: "واحد من زميله جه وفتح لي التليفون لقيته مصور لايف 3 دقائق ودخلت بصيت على فونه لقيت بلاوي على التليفون، وخليت التليفون معايا وثاني يوم خاله اتصل على الفون وردت عليه وبيقولي أنا عرفت القصة وأنا بعتذر لك وأمه كلمتني واعتذرت لي وقالت لى ابني نفسه يمثل وهو كل يوم بيعمل لنا مشكلة".

واستكمل: "أمه كانت خايفة ابلغ عنه والتليفون كان فيه حاجات تحبسه وتوديه في ستين داهية والتليفون كان كارثة، وقلت لهم أنا همسح التليفون بالكامل وهرجع لكم التليفون والولد غلطان 100% ، وطلع بعدها إشاعة أنى أنا اللي ضربته وده محصلش خالص".