خاص "إعلانات رمضان" ... واللي ما يشتري يتفرج

محمد عبد الخالق في سينما وتلفزيون

شيرين وياسمين وعمرو ... نجوم إعلانات رمضان

السبت , 9 أبريل 2022 - 13:56 | اخر تحديث: السبت , 9 أبريل 2022 - 13:59

الإعلانات شريك أساسي في الاحتفالية الرمضانية، مع المسلسلات والبرامج والفوازير، ننتظرها كل عام لنشاهد نجومنا المحببوبين، ونستمع إلى أغاني جميلة، وأفكار مبتكرة في التسويق.

وجميعنا يعرف أن الهدف الأول من الإعلانات في شهر رمضان ليس التسويق أو رفع المبيعات، بقدر ترسيخ اسم "البراند" في أذهان أكبر كم من المشاهدين الذين يحققون في هذا الشهر الكريم نسبة مشاهدة لا تتكرر على مدار العام.

باختصار ومن الآخر، فلسفة الإعلانات في رمضان تتلخص في المثل الشعبي القائل: "اللي ما يشتري يتفرج"، وحتى لومش هنشتري ... تعالوا بينا نتفرج.

"وي" ياسمين عبد العزيز وكريم محمود عبد العزيز

‎‎

خفة دم الثنائي وضعت الإعلان في مكان تاني، ينتظره المشاهدون كإنهم ينتظرون مسلسلهم المفضل ... وإزاي طنط؟

"57357" نوال الزغبي

‎‎

"ألفين سلامة" لحن مؤثر وكلمات سهلة، "ألفين تحية" لكل صناع الإعلان اللي عملوا حاجة من القلب فوصلت بسرعة للقلب.

"بنك مصر" شيرين

شيرين عبد الوهاب في إعلان "بنك مصر"

حذف مقدمة الإعلان أنقذه وأنقذنا، ورغم إن الناس كانت ماشية في البيوت أول يومين في رمضان تشتم بعض ... صوت شيرين ساحر وإحساسها هيفضل هو المنتصر.

"البريد المصري" عمرو دياب

عمرو دياب في إعلان "البريد المصري"

الإعلان اللي بدل ما يروّج للمعلن جاب له الكلام ... كان عليكم من ده بكام؟ ... المهم إن "الهضبة" الحمد لله انتصر في صراعة على فردة الكاوتش.

"أورانج" منى ودينا ونيللي

‎‎

بلاش سعاد حسني يا منى ... بلاش سعاد حسني يا منى ... بلاش سعاد حسني يا منى ... بلاش سعاد حسني يا جماعة.

"مدينتي" كريم عبد العزيز

‎‎

كتير قوي كده يا كريم ... كده أوفر بجد أوفر ... أبوس اديك اديني فرصة أشوف مسلسل.

"اتصالات" أحمد عز وكارمن بصيبص

‎‎

إعلان خفيف على الروح والكيميا بينكم باينة جدا، و"العارف" هياخد باله إن كل ده من فيلم واحد بس.

"فودافون" عمرو دياب

‎‎

اللي بينا حياة وأكتر ... واللي بينا وبين "الهضبة" عمر وأجمل ذكريات ... أغنية جميلة وصوته بيمس قلوبنا، وكإننا ما عداش علينا 30 سنة بنسمعه.

"رمضان في جيلنا" مجموعة الفنانين

‎‎

بنتبسط بمجرد ما نشوف حميد الشاعري وهشام عباس ونجوم التسعينيات، حتى لو ما اتكلموش .. بس "النوستالجيا" مش كل مرة تصيب ... وبعدين "بكار" مين اللي جيلك يا أستاذ سقا؟!

اقرأ أيضا:

فنان تونسي يثير الجدل بعد دعوته لتثبيت شهر رمضان في ديسمبر من كل عام

تامر حسني عن مشاركته بأكثر من إعلان في رمضان: بجرب إحساس بيومي فؤاد

ظهور خاص لوائل الإبراشي في الحلقة السابعة من "الاختيار 3"

عمرو أديب عن ياسمين عبد العزيز: عبقرية ونجمة الفوازير في السنوات القادمة

لا يفوتك- 14 نجما غابوا عن دراما رمضان 2022 بعضهم اهتم بالسينما وآخرون غيبهم الموت

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5