ميار الببلاوي تهاجم إلهام شاهين: اتكلمي في أي حاجة غير الدين (فيديو)

نادين يوسف | فى حياة المشاهير

ميار الببلاوي

الثلاثاء , 5 أبريل 2022 - 02:21 | اخر تحديث: الثلاثاء , 5 أبريل 2022 - 02:30

هاجمت ميار الببلاوي الفنانة إلهام شاهين بسبب تصريحاتها الأخيرة، وقالت أن الدين خط أحمر فهناك موضوعات كثيرة يمكن تناولها بعيدا عن الدين

قالت ميار الببلاوي خلال حوارها مع الإعلامية راغدة شلهوب في برنامج "سابع سما" "هي استاذتي وكل حاجة بس تصريحاتها الكتيرة الأخيرة معجبتنيش"

نرشح لك: شخصيات خارج الصندوق.. صراع الآباء والأبناء بعيدا عن "الكليشيهات" في "مين قال"

وتابعت "في مواضيع كتيرة ممكن تتكلم فيها عندكم السياسة، الفن، الأدب، الموضة أي حاجة بس الدين خط احمرلأنه مش قابل لوجهات النظر هو نزل من ربنا واتنقل عن طريق النبي وفي شيوخ اجلاء وهي استاذة في مجالها وكنت بحلم اشتغل معاها"

كما تحدثت عن المخرجة إيناس الدغيدي وقالت "كفاية اللي بيحصلي لحد دلوقتي وهي مضربتنيش على ايدي علشان امثل لكن لو مكنتش اتحطت في طريقي مكنتش عملت المشهد، والمشهد كنت موافقة عليه لكن أنا مرتحتش وكانت عنيفة جدا في اللوكيشن وبهدلتني علشان اعترضت على مشاهد"

وتابعت "كنا مرة بنصور على كورنيش المعادي وانا كنت بصور عمل تاني واتاخرت وبهدلتني وقالتلي انتي مين علشان استناكي وهشيلك اليوم وفي كواليس هحكيها برة الهواء"

طالع ايضًا: يتقن كل شيء ولا يخجل من إظهار حبه لزوجته .. هل عمرو سعد في "توبة" زوج تتمناه النساء؟

وعن منى زكي قالت "أنا بموت فيها وكنا أصحاب من قبل ما تمثل واشتغلت معاها حاجات حلوة وهي فنانة كبيرة ومشهدها في أصحاب ولا اعز أنا مأخدتش بالي منه ولكل جواد كبوة ومينفعش نغفل تاريخها"

تحدثت ايضًا ميار الببلاوي عن علاقتها بليلى علوي وقالت أنها تحترمها كفنانة وتابعت "أنا اشتغلت معاها فيلم واحد وهي مكنتش حباني ومعرفش ليه وكانو مسميني شبيهه ليلى علوي وهي قالت لصحفي مين دي اللي تبقى شبهي فانا اضايقت بس بحبها كفنانة"

وعن محمود حميدة قالت "جميل وعبقري اشتغلت معاه ديسكو ديسكو وهو فنان مش واخد حقه في مصر"

كما تحدثت عن مشكلتها مع نشوى مصطفى وقالت "كانت صحبتي ومكنتش أتخيل تعمل كدة واحنا اتصالحنا لكن هي حسست الناس أن أنا منافقة"

وتابعت متحدثة عن المخرج هادي الباجوري وتصريحاته الأخيرة التي أثارت جدلا واسعا حول موافقته على تقديم زوجته لمشاهد جريئة وقالت "أنا اعرفه من أيام زواجه من حنان ترك ومبحبش احجر على رأي حد هو ليه وجهة نظر أنا معرفهاش"

اقرأ ايضًا:

رمضان صبحي: لسه بحب الأهلي و"جتتي نحست" من هتافات جمهوره

من The Godfather إلى "ضد الحكومة" .. كيف حول "سوتس بالعربي" قفشات الأفلام الأجنبية إلى عربية؟

دياب يدافع عن مسلسل "توبة" بعد المطالبة بوقفه : الشخصيات "كيوت" أكثر من الواقع

عمرو أديب : عايز أكون عمرو دياب مش محمد صلاح