10 تصريحات من نجوى فؤاد عن ندمها بسبب عدم الإنجاب وسر غضبها من الراقصات الأوكرانيات والعدد الحقيقي لزيجاتها

محمد أحمد | فى حياة المشاهير

نجوى فؤاد

السبت , 19 مارس 2022 - 20:03 | اخر تحديث: السبت , 19 مارس 2022 - 20:03

حلت الفنانة نجوى فؤاد ضيفة على برنامج "كلام الناس" قناة Mbc مصر، كشفت العديد من الأسرار حول ندمها الدخول لعالم الفن ومحاولة قتلها على يد عمها وسبب طلاقها من الفنان أحمد رمزي وهو ما سنرصده في السطور التالية...

نرشح لك: ويجز يغني بالإنجليزية ولمحمد صلاح في "بعودة يا بلادي" - فيديو

- ندمت على التخلي عن دراستي من أجل الفن.

- عائلتي متدينة ووالدي كان نفسه أكمل دراستي ويجوزني ومعندناش مفهوم فن لأنهم شايفين الفن عورة، ولكني كنت أعشق ومازلت أعشق الفن وعمي كان هيموتني وتراجع بعدما رأى قسيمة زواجي من أحمد فؤاد حسن.

- تزوجت 6 مرات فقط وليس 10 كما يقال، وجميع زيجاتها كانت عن حب ولم تتزوج لأي سبب آخر.

- الشعب اللي خلاني نجمة واستمتعت بحب الناس ليا، وفي السنوات الأخيرة ندمت أني دخلت الوسط الفني وضحيت بأهلي ودراستي في إسكندرية، وجيت هنا واتجوزت أحمد فؤاد حسن ووقفني على أرض صلبة مع أنه كان أكبر مني بـ 25 سنة.

- ورفضت أخلف ودلوقتي ندمانة، وأحمد فؤاد قالي مش هنكمل علشان الخلفة، لأني خوفت على جسمي من الخلفة ومكنش فيه عمليات تجميل زي دلوقتي.

- أنا أتبنيت فتاة خريجة حقوق وجوزتها وراحت الحج، ودلوقتي عندها 3 أولاد كبار وهي اسمها نادية وبتمثل لي كل شيء وعوضتني إحساس الأمومة وحرصت على إنها تكون بعيدة عن الوسط الفني علشان تعيش حياة طبيعية.

- ملابس الراقصات الأوكرانيات لا تناسب عادات مجتمعنا الشرقي وأنا غضبانة من لبسهن ولازم يكون عليهم رقابة، ولبسهم كله شبابيك ومفتح ولازم يتوجهوا يلبسوا إزاي لأنهم في مصر.

- أنا عملت في ملابسي الشيفون على فتحة البطن لأني مكنتش عارفة أرقص باللبس المفتوح دا.

- فيفي عبده بتسأل عليا وزارتني من سنتين، بس بقت بتقفل التليفونات ومش بعرف أوصلها، ودينا من أحلى الناس وبتحب الناس كلها، ودول اللي بحبهم وبحب أتفرج عليهم في الرقص.

لا يفوتك: أحمد نادر يواجه غول الغناء أحمد سعد في حلقة 3x1 من برنامج تحليل النغمات مع عمك البات

اقرأ ايضًا:

رواية عمر طاهر "صنايعية مصر" ترافق تريزيجيه في رحلة بالطائرة

بالعباءة والحجاب.. دنيا عبد العزيز في كواليس "المداح 2"

مديحة حمدي: لا أحب الحديث عن فترة خطوبتي من عادل إمام … هو الآن متزوج (فيديو)

كاظم الساهر يلغي حفلاته فى أمريكا وكندا بعد وفاة زوجته الأولى

مايا دياب تثير الجدل في أحدث ظهور لها والجمهور يعلق : تشبه المومياء

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5