سلمى صباحي عن إياد داود: آخر فترة كان عايش بخرطوم متوصل بالرئة

نادين يوسف | فى حياة المشاهير

إياد داود

الاثنين , 7 مارس 2022 - 23:38 | اخر تحديث: الاثنين , 7 مارس 2022 - 23:38

عبرت الإعلامية سلمى صباحي عن حزنها بسبب رحيل الفنان إياد داود والذي وافته المنية عن عمر يناهز 39 عاما

كتبت سلمى عبر حسابها بموقع Facebook وعبرت عن حزنها وصدمتها قائلة "انا عرفت إياد من ١٧ سنه و انهارده شفت ذكرياتنا كأنها شريط سينما بيعدي قدامي"

نرشح لك: خاص ويجز في حفل جديد بالإسكندرية.. تعرف على التفاصيل

وتابعت "عرفنا بعض ٢٠٠٥ واحنا بناخد ورشة اختيار المذيعين في قناة دريم و منها اختارونا عشان نقدم شبابيك .. هو أول حد بقى صاحبي من المجموعه بحُكم ان تفكيره كان شبهي و تربيته و ذوقه و حتى سكنه كان في العماره اللي قصادي و كنت دايما باروح مدينة الإنتاج معاه و ارجع معاه و بدأت رحلة الصداقه بيننا و كانت بتكبر بالعشره والشغل مع بعض في شبابيك وبعد كده ولاد البلد ..اتشهرنا سوا و كبرنا سوا و فضلنا صحاب و علاقتنا اتوطدت اكتر و بقى صاحب كل صحابي و معانا دايما.. يمكن نُص الناس اللي شفتهم انهارده و امبارح عرفوه عن طريقي و بقى بالنسبه لهم إياد الدود dude زي ما كان دايما يندههم.. يا دوووود"

وأضافت "و كان بالنسبه لي انا البرو زي ما كان بيقول هو ال bro و انا ال sis .. الأخ والأخت ..إياد كان موهوب جدا و شاطر جدا ..كان مذيع شاطر و مجتهد و بروفيشنال .. كان rapper جامد و عنده فكر و دماغ حلوه في الكتابه والأداء في وقت الراب ماكنش منتشر في مصر.. كان ممثل هايل و كان نفسه ياخد فرصه حقيقيه و الناس تشوف أد إيه هو ممثل متميز .. كان من أفضل مدربي التمثيل في مصر بشهادة كل الطلبه بتوعه وانا حضرت معاه مره و انبهرت بيه.. كان حلمه ياخد الأوسكار،، وكان يستاهل الحلم ده .. كان حلمه يفتح مدرسة تمثيل و تبقى في يوم من الأيام اكاديميه كبيره بإسمه .. كان عنده شغف حقيقي و كان صادق .. كان إنسان.. قلبه ابيض زي الأطفال .. كان نفسه يتجوز و يبقى أب .. إياد كان بيحب الأطفال اوي و علاقته بحلم بنتي كانت رائعه"

واسترسلت "طول عمره قلبه اللي سايقُه كان علطول بيحب حتى لو في خياله.. كان كريم جدا جدا و بيحب يبسط الناس اللي بيحبهم بهدايا او ورد او عزومه والأهم من كل ده باهتمام حقيقي من قلبه .. كان بيحب منير جدا و عمري ما هانسى ريأكشنه يوم ما خليت منير يكلمه في التليفون لأول مره و بعد كده بقوا صحاب و هو اللي جابه فرحي"

وتابعت "إياد فقد أمه و اخته و أبوه و كل حد فيهم ساب جواه أثر كبير و اتخبّط ف حياته كتير و الدنيا ماكانتش رحيمه بيه بالرغم من كل الحب اللي محاوطه"

وعن مرضه قالت "من أول ما عرفت إياد و هو دايما معاه بخاخ للتنفس و للأسف تعب جدا اخر ٧ شهور ف حياته و عمل عملية كبيره في الرئه و كان عايش بخرطوم متوصل بالرئه و كان بيتكلم بالعافيه لأنه مش قادر ياخد نفسه كويس .. ربنا يجعل تعبه في ميزان حسناته"

واختتمت كلامها قائلة "اخر مره كلمته كان قبل وفاته بيوم و كان صوته تعبان بس كان سعيد انه بقى عم و خالد اخوه جاب بنوته و سماها منال على اسم اختهم الله يرحمها ،، كنت المفروض ازوره يومها بس للأسف مالحقتش ، إياد ارتاح ، و أحلامه مكمله معاه و هايحققها في الجنه و نعيمها وسط أهله و حُبنا كلنا،

يذكر أن إياد داود وافته المنية يوم السبت وشيعت الجنازة أمس، كما أقيم العزاء مساء اليوم وسط حضور من الفنانين والإعلاميين

لا يفوتك: قائمة بأسماء النجوم "الأغلى" في تاريخ هوليوود 💵💴💰 ... وأفلامهم التي تربعت على القمة 👏👍

اقرأ ايضًا:

إذا أحببت مسلسل Dark.. نرشح لك مشاهدة midnight at pera palace لهازال كايا رحلة عبر الزمن

رمضان 2022- صلاح عبد الله يكشف علاقة "دايما عامر" بملف يشغل الأسرة المصرية

لقي مصرعه قبل تحرير بلده..من هو الممثل باشا لي ضحية الحرب الروسية الأوكرانية؟

رمضان 2022- كل ما تريد معرفته عن مسلسل "فاتن أمل حربي" لنيللي كريم

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5