إيناس مكي: اعتذرت عن بطولة فيلم "مواطن ومخبر وحرامي" بسبب 7 مشاهد جريئة

نادين يوسف | فى حياة المشاهير

إيناس مكي

الخميس , 17 فبراير 2022 - 22:02 | اخر تحديث: الجمعة , 18 فبراير 2022 - 01:02

كشفت الفنانة إيناس مكي عن اعتذارها عن بطولة فيلم "مواطن ومخبر وحرامي" لاحتوائه على بعض المشاهد الحميمية

قالت إيناس مكي أثناء حوار لها مع الإعلامية ياسمين عز في برنامج "كلام الناس" على قناة MBC مصر أنها رفضت المشاركة في بطولة فيلم "مواطن ومخبر وحرامي" بعد شهرين من التدريب

نرشح لك: محمد صلاح يأكل بطاطا وترمس مع إسعاد يونس في لقاء خاص قريبا

أوضحت إيناس سبب الاعتذار حيث قالت "كان نفسي يكون ليا نصيب للمشاركة في الفيلم دة وكان بعد مجموعة أعمال عملتها الاستاذ داوود عبد السيد طلبني للفيلم دة"

وتابعت "الفيلم كان ليه بطلتين واحدة متحررة بتاعة كتب وبتتكلم عن حرية المرأة ودي الشخصية اللي اتعرضت عليا والبطلة التانية من الطبقة الشعبية واللي اشتغلت معايا البروفات كانت حنان ترك مش هند صبري"

وأضافت "اشتغلت شهرين بروفات والدور لو كنت عملته كان هيبقى نقلة رهيبة ليا وكان 35 مشهد لكن كان منهم 7 مشاهد فيهم تفاصيل أنا لو قلت تمام هصورهم"

وعن المشاهد قالت "ال7 مشاهد كان فيهم مشاهد أنها هتبقى بقميص النوم وهتقلعه وهتبقى بالملابس الداخلية وانا مش هعرف اصور دة وفي مشاهد تانية حميمية وليها مشاهد مع شعبان عبد الرحيم"

وعن رد فعل المخرج داوود عبد السيد قالت "هو سالني يعني حضرتك معترضة على ايه بالظبط قلتله أنا مش ممثلة متخلفة ومؤمنة بدوري في توصيل المشهد لكن التفاصيل دي أنا مش هقدر اقدمها والمعنى نفسه هوصله"

وتابعت مؤكدة عدم ندمها على الاعتذار عن الدور حيث قالت أن الشخصية تم إسنادها لوجه جديد وقامت بتقديم السبع مشاهد التي اعترضت عليهم إيناس مكي مع حذف باقي تفاصيل الشخصية والمشاهد الأخرى

يذكر أن فيلم "مواطن ومخبر وحرامي" من بطولة خالد أبو النجا، شعبان عبد الرحيم، هند صبري وغيرهم نخبة من النجوم ومن إخراج داوود عبد السيد

لا يفوتك: تحليل النغمات مع عمك البات- تقييم ألبوم تامر عاشور "تيجي نتراهن"