مؤلفة "الغزالة رايقة": أغنية مفيهاش فذلكة وفيها جزء ينفع شيرين تغنيه

FilFan | فى سينما وتلفزيون

أغنية الغزالة رايقة

الثلاثاء , 4 يناير 2022 - 01:44 | اخر تحديث: الثلاثاء , 4 يناير 2022 - 01:44

كشفت الشاعرة منة عدلي القيعي المزيد عن كواليس أغنية "الغزالة رايقة"، الأغنية الدعائية لفيلم "من أجل زيكو"، التي حققت نجاحا كبيرا منذ طرحها قبل أيام، وانتشرت عبر مواقع التواصل الاجتماعي، ونشر عدد من النجوم فيديوهات لهم وهم يغنون ويرقصون عليها.

وفي مداخلة هاتفية مع الإعلامي يوسف الحسيني ببرنامج "التاسعة" المذاع عبر القناة الأولى المصرية، تحدثت منة القيعي عن الطفل محمد أسامة الذي شارك في أداء الأغنية قائلة: "محمد أسامة صوت رهيب وكلنا لما سمعناه مكانش في اختلاف عليه، متمكن وبيحفظ في ثانية وبيقول الحاجات صح."

وأضافت: "في البداية بيتر ميمي كلمني عن فيلم بيحضر له مع كريم ومنة وكل الناس الرهيبة، وبيتر لوحده فرصة بالنسبالي، وكل الأسامي اللي في الفيلم، وكان حابب يكون في أكتر من أغنية في الفيلم، وبناء عليه تواصلنا مع الملحن إيهاب عبد الواحد ملحن أغاني الفيلم، وبدأنا نشتغل على كل أغنية حسب توظيفها الدرامي. الغزالة رايقة مش أول أغنية نشتغل عليها، بس الأغنية الأهم ولما الناس هتتفرج على الفيلم هتفهم ليه."

وتابعت: "قعدنا ندور على جملة كاتشي تنفع تتغنى، ومصطلح الغزالة رايقة في دماغي من فترة ومش عارفة أعمل بيه إيه. وفي جزء من الأغنية كان موجود في أغنية رومانسية جدا عملتها مع إيهاب عبد الواحد، حاجة تغنيها شيرين عبد الوهاب، لكن كانت بلحن مختلف، فاقترحت عليها نغيرها ونضيفها في مكانها في الفيلم."

وأكملت: "أنا لما ألاقي الأطفال سامعين حاجة ومبسوطين بحس إن الأغنية نجحت، هو ده المعيار بالنسبالي مش المشاهدات."

وفيلم "من أجل زيكو" من تأليف مصطفى حمدي، إخراج بيتر ميمي، بطولة كريم محمود عبد العزيز، منة شلبي، محمد محمود، محمود حافظ، والطفل يوسف صلاح، وموعد طرحه في دور العرض السينمائي 5 يناير.

لا يفوتك: أمير المصري لـ في الفن: محمود حميدة موسوعة واتعلمت منه أخد شغلي بجدية.. وبحضر لحاجة كوميدي جديدة