بسمة وهبة تنعي أسماء مصطفى: مكنتش أتخيل أن هيجي يوم وأقولك الله يرحمك

نادين يوسف | فى حياة المشاهير

بسمة وهبة

الاثنين , 22 نوفمبر 2021 - 17:13 | اخر تحديث: الاثنين , 22 نوفمبر 2021 - 17:13

نعت الإعلامية بسمة وهبة، رحيل المذيعة أسماء مصطفى والتي وافتها المنية صباح اليوم بعد صراع مع المرض

نرشح لك: محمد هنيدي ينعي أسماء مصطفى وسلمى الزرقا: مستسلموش لآخر دقيقة

نشرت وهبة صورة لأسماء مصطفى على صفحتها بموقع أنستجرام وقالت “مكنتش اتخيل يا أسماء إن حييجي يوم وأقول الله يرحمك ، آخر مكالمة بينا اتفقنا إنك حتقوي وكنتي كلك أمل تخفي وقلتيلي أنا بتحسن بس القدر قرر وربنا استردك له ، وانتم السابقون ونحن اللاحقون.. مسافة السكة يا أسماء .. بحبك وحتوحشيني ” .

رحلت أسماء مصطفى عن عالمنا بعد صراع مع مرض السرطان وكانت قد أعلنت عن مرضها في شهر أبريل الماضي وطلبت من الجمهور الدعاء لها

قالت أسماء في منشور سابق لها «أنا حالي حال ناس غيرى كتير بيمروا بمعركة مع المرض اللعين، الاسم صعب معلش، وأنا منهم بحاول وبكافح، وربنا كريم، صحيح المشوار لسة طويل والشفا بإيد ربنا وحده، وما علينا غير إننا نأخد بالأسباب ونرضى بقضاء الله ونسأله اللطف فيه مش عايزة حد يزعل، أنا بس محتاجة الدعاء لأني مؤمنة، لأنه بيغير القدر

"أنا قطعت مسافة كويسة في رحلة العلاج الحمد لله، ولسة في خطوات تانية ربنا يسهل، في انتظار تحديد ميعاد العملية، علشان كدة عدم ظهورى هيطول، رجاء تاني محدش يتضايق، فضلا الدعاء»، لتعلن بعدها إصابتها بالمرض اللعين، وخضوعها لعملية جراحية دقيقة لإزالة ورم خبيث.

كما وجهت أسماء رسالة إلي جمهورها قبل شهر من رحيلها حيث قالت ""«معرفش ليه بجد الإنسان لما بيجرب إنه قرب من الموت وربنا بينجيه ويقف معاه، كل شوية يقرب ويبعد، الدنيا في نظره بتصغر، وبيحس إنه كان بيدي أمور ملهاش لازمة مساحة في حياته، وبيحتفظ في قلبه بعيلته وأهله والناس الحلوة الطيبة اللي حواليه، دول بس اللي بيفضل فاكرهم».

وتابعت قائلة "«حتى لو حد كان مزعله أو فيه موقف، وجت السيرة بالصدفة، حقيقي بكون مش فاكرة أساسا، بفكر في ناس تانية خالص، سبحان الله، فعلا مش دايم غير المعروف والمحبة والسيرة الطيبة»

تم تشييع جثمان الراحلة أسماء مصطفى اليوم عقب صلاة العصر ومن المقرر إقامة العزاء غدًا الثلاثاء.

حرص عددًا كبيرًا من نجوم الفن والإعلام على نعي الراحلة والدعاء لها بالرحمة والمغفرة ومن بينهم محمد هنيدي، ريهام حجاج، مراد مكرم وعدد كبير من مذيعين ومذيعات مصر.