أول رد محمد حفظي على انتقادات "ريش": السينما مش هدفها الترويج السياحي

FilFan | فى سينما وتلفزيون

فيلم "ريش"

الاثنين , 18 أكتوبر 2021 - 21:10 | اخر تحديث: الاثنين , 18 أكتوبر 2021 - 21:10

في أول رد له على الانتقادات التي طالت فيلم "ريش"، بعد عرضه الأول أمس في الدورة الخامسة لمهرجان الجونة السينمائي، نفى محمد حفظي منتج الفيلم وجود أي إسقاطات سياسية أو محاولة للإساءة إلى صورة مصر من خلال الفيلم.

وفي تصريحات لبرنامج "منصات" على قناة سكاي نيوز عربية، قال محمد حفظي: "إمبارح تلقيت بعض ردود الفعل السلبية وكتير من ردود الفعل الإيجابية جدا من فنانين ومخرجين كبار ورواد المهرجان وحتى من الجمهور العادي. النهاردة كان العرض الثاني للفيلم، وكان في ندوة بعد الفيلم، مسمعناش رأي واحد سلبي، بالعكس الجمهور كله احتفى بالفيلم احتفاء كبير جدا."

وأضاف: "أعتقد بعض الناس اللي ممكن تكون سألت هل الفيلم بيظهر الفقر، أو بعض المناطق في مصر اللي ممكن تكون مختلفة عن اللي شايفينه في الجونة أو القاهرة أو المناطق الأرقى أو الأكثر ثراء أو فيها مستوى اجتماعي أعلى، وردي على الموضوع ده إحنا مبنعملش فيلم وثائقي عن الطبقة العاملة أو عمال المصانع، ومبنحاولش نرصد واقع اجتماعي معين في منطقة معينة. الفيلم ده هو عالم من خيال عمر الزهيري مخرجه، وهو فيلم سينما في الآخر مش مقال سياسي، ومعتقدش كان في اهتمام عمر الزهيري أي إسقاط سياسي."

وعن سبب مغادرة بعض الفنانين العرض الأول للفيلم في رأيه، قال: "أنا معرفش الأسباب، الطبيعي الفيلم ميعجبش كل الناس، وفي بعض الفنانين اللي بيحضروا المهرجانات الكبيرة في مصر ممكن يكون واخد على نمط معين من السينما، ودي حاجة صحية يبقى في آراء مختلفة ونقاش."

فنانون يغادرون #مهرجان_الجونة بغضب بسبب #فيلم_ريش #منصات #شاهد_سكاي pic.twitter.com/vOdRrzGfn1
— سكاي نيوز عربية (@skynewsarabia) October 18, 2021

وردا على رأي البعض في أن سبب الاهتمام العالمي بالفيلم هو إثارة مسألة الفقر في مصر، قال: "في ناس رأيها إن المهرجانات بره وبالذات في الغرب تهتم بأفلام تظهر الوجه القبيح لدول العالم الثالث، أنا أختلف مع الطرح ده، السينما في العالم كله بتطرح السلبيات والمشاكل، والسينما مش الهدف منها الترويج السياحي للدولة اللي ينتمي إليها صناع الأفلام."