الملخص - دياب في "الحكاية": الفلاشة بتخلي أي حد يغني.. وهذا سر نجاح الهضبة

محمد أحمد | فى موسيقى وحفلات

دياب

الأحد , 26 سبتمبر 2021 - 10:59

حل الفنان دياب مساء أمس ضيفا على الإعلامي عمرو أديب في برنامج "الحكاية" على قناة "Mbc مصر" تحدث فيه عن بداياته الفنية ومشاريعه المقبلة ودوره في فيلم "السرب" وهو ما سنرصده في الملخص التالي:

ترشح لك: أصالة تتغزل في زوجها: نعمة كبيرة أني زوجة فائق حسن

- الفنان محمد الحلو هو مثلي الأعلى فأنا أعشق صوته وكان بالنسبالي في التسعينات وبداية الألفينات أعظم حاجة في التاريخ.

- قرار منع الغناء بفلاشة عظيم وفيه موسيقيين كتير قاعدين في البيت مبيشتغلوش، ولازم كل مطرب يبقى معاه على الأقل 8 موسيقيين عشان الناس تاكل عيش، والفلاشة خلت أي حد يغني.

- منع الفلاشة في الحفلات والأفراح هيخلي اللي بيعرف يغني يغني واللي مبيعرفش يغني يشوفله شغلانة شريفة، والفلاشة ممكن تخلي المج يغني، والناس بتسمع بوسطها مش فارقة ليها اللي بيتقال، أغاني المهرجانات عدوانية وبرفضها تماما، و70% منها نرجسية.

- وضعي الحالي مع المنتج نصر محروس كويس وكتر خيره على مساحة التسامح والمحبة وكان فيه عتاب أحبة ولكن الحلو اللي بينا كتير.

- أتعامل مع أي سكربت عمل فني يطرح أمامي بجدية شديدة كأنه كتاب الوزارة، وبحب استمتع بيه واتبسط بكلامه، وأدخل أسمع كلام المخرج وأشوف وجهة نظرة وأبدأ الشغل.

- اعتذرت 5 سنين عن التمثيل رغم الأعمال اللي كانت بتجيلي، علشان مش عايز أزاحم الناس في أكل عيشها، ولما دخلت ورشة التمثيل انطلقت، وأول ما دخلت التمثيل كان مع الفنان القدير أحمد فؤاد سليم في مسلسل "ساحرة الجنوب".

- كتر لحن عجبني في الفترة اللي فاتت أغنية رامي صبري "خاصمت الشوارع"، والموال في مصر اندثر ولكن في الأفراح الشعبية موجود.

- أجسد دور قائد الجناح العسكري لداعش في فيلم "السرب" فهو فيلم عظيم وحجم العمل كبير فيه، ويشترك في الفيلم فنانين كبار منهم الفنان أحمد السقا ونيلي كريم وعمرو عبد الجليل ومحمد ممدوح وعدد كبير من ضيوف الشرف.

- عمرو دياب مبيعملش حاجة غير شغله وهذا سر نجاهه المتواصل وأكتر حاجة مهتم بيها هو اهتماته بعمرو دياب نفسه وأي حد عايز ينجح لازم يبص في ورقته، وعمرنا ما سمعنا إنه بيعمل حاجة غير إنه بيعمل ألبوم أو حفلة، فلو منجحش الراجل يبقى في غلط في الطاقة الكونية.

- أحسن ناتج موسيقي في الـ30 سنة الأخيرة كان من عمرو دياب، وهذا دليل على نجاهه وفي منطقة يحلق بعيداً وربنا يديله العمر والصحة، لأنه بجد من الناس اللي متقلة الشغلانة.

- دوري في مسلسل "نسل الأغراب" من أصعب الأدوار التي قدمها في مسيرتي الفنية، ومشاهدي فيه تحتاج إلى المذاكرة المسبقة وتجهيز الدور جيداً حتى يتم تأديته بصورة صحيحة.

- الفنان الراحل محمود عبد العزيز جابني مرة كان بيعمل مسلسل "باب الخلق"، وقالي إنت معانا في المسلسل، قلتله يا أستاذ محمود أنا مبعرفش أمثل، قالي لأ إنت تعرف وأنا عارف أكتر منك قلتله طب اختبروني، فقالي عيب نعمل لك اختبار دلوقتي إنت نجم والناس عارفاك ودخلت مع مساعد المخرج أحمد السيد عملت المشهدين وانبسطوا جدا، وكان أستاذ عادل أديب المخرج، وتاني يوم اعتذرت وخوفت، وقعدت بعدها كام سنة أعتذر عن كل الأعمال اللي بتجيلي.

لا يفوتك: تعذيب ومخدرات ودعارة وسياسة ... 36 نجما خلف القضبان

اقرأ أيضا:

نسرين أمين تتأخر عن تقديم حفل افتتاح مهرجان الأسكندرية السينمائي

ليلى عز العرب: عملت كومبارس صامت وأنا مديرة بنك في الحقيقة

فرج عامر ينسحب على الهواء من برنامج هاني حتحوت ويكيل له الإتهامات (فيديو)

شاركت في أحد أفلام عمرو دياب ... من هي صابرين ضيفة "معكم منى الشاذلي"؟