مودي الإمام: بحب أغاني المهرجانات وأول لما بدأت مع حسين اتهاجمنا (فيديو)

نادين يوسف | فى حياة المشاهير

مودي الإمام

الجمعة , 24 سبتمبر 2021 - 23:57 | اخر تحديث: السبت , 25 سبتمبر 2021 - 19:59

كشف الموسيقار مودي الإمام عن الوقت المستغرق لتحضير موسيقى فيلم "الانس والنمس" لمحمد هنيدي، وقال أنه الأمر استغرق شهرين.

نرشح لك: منة شلبي تحتفل بترشحها لجائزة إيمي الدولية

قال الإمام في لقاء له مع الإعلامية شيرين حمدي في برنامج On Set "مفيش إطار زمني محدد لموسيقى الأفلام يعني فيلم الانس والنمس ولأنه من إخراج شريف عرفة وهو بيحب الموسيقى وبيحلم بيها وعارف دور الموسيقى وودنه موسيقية وبيغني حلو"

وأضاف مودي الإمام قائلًا "زمان قبل استخدام التكنولوجيا الرقمية كنا بنروح غرفة الموفيولا وهي عبارة عن الة زي ترابيزة كدة عليها شرايط شريط الصوت وشريط الصورة والمؤثرات صوتية وفيها شاشة صغيرة فكنا بنقعد أنا والمخرج والمونتير وباخد الملاحظات وكنت بجيب كراسة صغيرة وقلم وستوب واتش واكتب الملاحظات"

وتابع قائلًا "بعد كدة بقى بيجيلي الفيلم على شريط وبعدها بقى الفيلم يجيلي وأقعد زي المونتير ومن البرامج اللي بنستخدمها برنامج بعزف عليه أنا شايف الصورة ودة رجعني لأيام السينما الصامتة لأن كان فيها موسيقى وكانت بتتعزف في السينمات أثناء عرض الفيلم"

وعن أقرب الأعمال لقلبه قال "هما كلهم ولادي ودي حقيقة كل فنان هيبقى موقفه كدة لكن الذكرى بتبقى في الظروف والصحبة اللي مع العمل، زي أغنية "في قلب الليل" وتوزيعي لأغنية "جفنه علم الغزل" فكنا في ستوديو عامله محمد أبو السعد مع شريكه إبراهيم عماد وهما مهندسين صوت من أروع ما يمكن والأستوديو تحول الى ملتقى والعمارة كلها اتحولت لفنانين ساكنين زي على الحجار وعمر خيرت وخالد حماد والشاعر عصام عبدالله والموسيقار ياسر عبد الرحمن والكل بيحضر التسجيل"

وعن أغاني المهرجانات قال "رأي الشخصي أن أي حاجة لو سمعتها وعجبتني بنبسط ودة بيحصل مع المهرجانات لأنهم بيركزوا على الإيقاع وفيها جو احتفالي لكن الموضوع بيثار في الإعلام والسوشيال ميديا كأن في مشكلة"

وتابع قائلًأ "زمان لما بدأنا أنا وحسين اتهاجمنا وحد كتب في مجلة مشهورة يجب القبض على هؤلاء علشان أغنية "وماله" ومش عارف أية المشكلة فيها ودة رأيه بس كان مبالغ أوي"

وعن أعماله القادمة أوضح أنه يرغب في تقديم حفلات وتحدث بالفعل مع المايسترو نادر عباس.