بصورة البطاقة- فريدة سيف النصر تصحح معلومات ويكيبديا وتكتب سيرة ذاتية مختصرة

مروة لبيب | فى حياة المشاهير

فريدة سيف النصر

السبت , 11 سبتمبر 2021 - 13:04 | اخر تحديث: السبت , 11 سبتمبر 2021 - 13:04

عبرت الفنانة فريدة سيف النصر عن غضبها من تناول بعض المواقع لسيرتها الذاتية بطريقة مغلوطة.

وعبر حسابها على Facebook، قررت فريدة سيف النصر كتابة سيرة ذاتية مختصرة لها مع توضيح بعض الحقائق وقالت "انا اسمي فريده جلال سيف النصر علي اسم جدتي..انا اتولدت في مستشفي العجوزه..انا مدرستي ابتدائي النهضه الخاصه..اعدادي ثانوي القوميه..كلهم في العجوزه..بعد كده فنون جميله زمالك..كان سابقني كل من حسين الامام معالي زايد صلاح عناني وكتير انا دخلت اعدادي وهما اخر سنه..

نرشح لك: هل يتغير أبطال "رمضان كريم 2"؟ سامح عبد العزيز يجيب

وعن حياتها العائلية قالت "انا تزوجت وانجبت ابن وحيد محمد حاليا عندي حفيدتين لارا 5 سنين وتاليا 3 سنين بنات ابني محمد وزوجته منه...اعيش ببساطه وطبيعيه والفن بالنسبه لي بدايته مكتوبه عند ربنا مسابقه جمال الصيف وغلاف لوجه جديد لمجلة السينما والناس للدكتور عبدالمنعم سعد وكنت لسه 16 سنة بس ضرفه اتفرجوا علي فيلم الضحايا لجنة التحكيم كانت فريد شوقي سمير صبري.حسين فهمي صفيه العمري.نيللي. جورج سيدهم .عاطف سالم.وصحافيين كتير كبار وكانت الجوائز عقود عمل وجورج خدوني بطلة مسرح علي طول".

وأضافت "بالعافيه بيحطوني في واجهة الساخنه وانا بفضل الله راجل اصلا وللنهارده من اكثر من ثلاثين سنه كأنهم بيعايروني بفيلم مين فينا الحرامي كنت بطلة قصه مع عادل امام.(نقفش في الفراخ) ده افيه عايش للنهارده وكأنهم مسكوالي زله عايشه معاهم كل السنين دي حتي عيال الجيل الجديد طيب حلو انا ماتنسيش(لطيفه) ..مين بقي المركز معايا الله اعلم..يعني انا ماعملتش المذنبون ولا المغتصبون لكن هو كده..
زهقت..وانا مااسميش سوسن الا لو عايزين بدل مايشوفوا فريده تبقي سوسن ههههههه واضح لاصحاب البصيره. ولا انا مواليد 10 سبتمبر 61..ولاعمري شوفت حدايق القبه ويشرفني اكون منها لكن انا مواليد العجوزه..ودي حكايه تانيه دي ست غنيه قريبة الخديوي والحي ده للراقيين الهانم العجوزه.هابقي احكي لكم".

وانا لاعملت تجميل وده شعري ياصحافه ويالذاذ اللي كاتمين في قلبهم ياامااااه. ويشرفني أسألة جمهوري العشري حبايبي في الله فقط اللي بيحبوني العمر ده كله رغم قلة اعمالي يارب يخلليكم..وبس دي الحقيقه علي مصغر مختصر وعلشان نقفل الموضوع اتفضلوا نخلص بقي ومااسمعش صوتكم تاني اسألونا بدل التأليف..بالحق ابويا صعايده وامي اسكندريه..وكفايه بقي الواحد مش ناقص ونفسي حد يعمل حاجه او يفكر يجرب البطاقه اهي ياللا بلا زهق وخنقه والعنوان اللي فيها انا اتولدت فيه زمان في شهادة الميلاد انا حاليا المهندسين النقطه تقول لكم ايامكم بيضا..سلام..

يذكر أن فريدة سيف النصر شاركت في رمضان 2021 من خلال مسلسل "موسى".

ومسلسل "موسى" من تأليف ناصر عبد الرحمن، إنتاج سينرجي، إخراج محمد سلامة، وبطولة محمد رمضان، سمية الخشاب، رياض الخولي، سيد رجب، عارفة عبد الرسول، عبير صبري، هبة مجدي، صبري فواز، منذ رياحنة، فريدة سيف النصر، حمدي الوزير وتارا عماد.

لا يفوتك: رجاء بلمليح ... حكاية مطربة "صبري عليك طال" التي خطفها السرطان في قمة نجوميتها

اقرأ أيضا:

زينة معلقة على فيديو بكائها: أقف عاجزة أمامه...أنا اليوم أقوى وأفضل

جورج قرداحي لـ"في الفن" عن اختياره وزيرا للإعلام: أصل بيروت خلال ساعات وسأتحدث بعد لقاء رئيس الوزراء
مي سليم: حسبي الله ونعم الوكيل في كل أب يتخلى عن ابنته!

منى زكي وأحمد العوضي والنجوم يحتفلون بعودة ياسمين عبد العزيز ... رديتي فينا الروح