عروس تركت حفل زفافها بسببه.. أحمد سعد يروي موقف مؤثر حدث معه

نادين يوسف | فى حياة المشاهير

أحمد سعد

السبت , 24 يوليو 2021 - 22:22 | اخر تحديث: السبت , 24 يوليو 2021 - 22:22

حكى المطرب أحمد سعد موقف مؤثر تعرض له أثناء إحياء أحد حفلات الزفاف، على حسابه بموقع التواصل الاجتماعي أنستجرام.

نرشح لك: أمير كرارة وظافر عابدين وأحمد العوضي أبرز ضيوف شرف فيلم "موسى"

قال سعد " كنت بغني في فرح ولكن الفرح كان مليء بالبكاء بدأت بأغنية (كل يوم )والناس مبسوطة وبعدها بغني أغنية (بحبك ياصاحب ) قامو الناس جريوا عليا بسرعة وقالوا لي لأ ماتغنيش أغنيهة بحبك ياصحبي ، ماتغنيش بحبك ياصاحبي ! مافهمتش في ايه ؟! فماغنتش (بحبك ياصاحبي) والعروسه قامت بتعيط وجريت بعيد عن الفرح"

تابع أحمد سعد "فغنيت أغنيه تانيه قامت العروسه قامت تاني وعيطت وسابت الفرح ! مكنتش فاهم في ايه ؟! طب أغني ايه ؟! المعازيم قالولي معلش لان هي بتحب ابوها جدا وابوها كان بيحبك حب غير عادي وانت بالنسبه له اهم حد وكل الاغاني بتاعتك لها ذكريات مع ابوها . وهي كانت بتغنيله (بحبك ياصاحبي) لو هو موجود دلوقتي كان اول حد هايجيبه يغني في الفرح كان هايكون انت، ومش العروسة هي اللي جابتني الفرح."

أضاف قائلًا "العروسة في الفرح طول الوقت تبصلي وتفتكر ابوها وتعيط"

اختتم سعد حديثه قائلًا "العروسة دي علمتني يعني ايه بنت بتحب ابوها وان الحب ده قد ايه حقيقي وصادق ونقي وان الاب ده كان راجل طيب و أب حنين علشان يتغناله من بنته بحبك ياصاحبي الله يرحمه"

تفاعل الجمهور مع منشور أحمد سعد وشاركوه بعض المواقف المؤثرة في حياتهم وعلاقاتهم بآبائهم.

يشار أن أحمد سعد أعلن إنفصاله عن خطيبته بعد ارتباط دام لمدة 10 أشهر ولم يفصح أي منهما عن أسباب الإنفصال.

اقرأ ايضًا:

تكره الجبنة وتنتظر العريس المناسب وهذا المشهد سبب لها مشكلة ... تفاصيل من حياة منة شلبي

طرح بوستر دعائي جديد لفيلم "موسى"

حمو بيكا يتشاجر في الساحل مرة أخرى (فيديو)

أكرم حسني يخوض بطولة جديدة بمسلسل "مكتوب عليه"