حسن الرداد لمروجي شائعة وفاة دلال عبد العزيز: احترموا نفسكم و راعوا مشاعرنا

نادين يوسف | فى حياة المشاهير

حسن الرداد

السبت , 24 يوليو 2021 - 03:07 | اخر تحديث: السبت , 24 يوليو 2021 - 03:07

هاجم الفنان حسن الرداد مروجي شائعة وفاة دلال عبد العزيز والتي انتشرت منذ قليل.

نرشح لك: رامي رضوان ينفي شائعة وفاة دلال عبد العزيز: يارب اللي نشر الخبر يشوفه في حبايبه

كتب الرداد على صفحته بموقع التواصل الاجتماعي أنستجرام قائلًا "بالنسبة للمواقع الصفراء الرخيصة اللى كتبت اخبار غير صحيحة عن حماتى دلال عبد العزيز، يا ريت تحترموا نفسكم شوية. اللى بينزل اخبار غير صحيحة تخص حياة انسان عشان يعمل ترند على موقع يبقى واحد مش محترم ولا يحترم المهنة بتاعته اللي الف باء فيها وجوب تحرى الدقة."
وتابع قائلًا "احنا بقالنا شهور فى المستشفى و كلنا متواجدين مع حماتى و قاعدين قدامها ٢٤ ساعة رامى و إيمي و دنيا و انا و فجأة يجيلنا سيل مكالمات ورسائل من كل اهلنا و حبايبنا بيطمنوا."

وأضاف قائلًا "حقيقي عايز اسال اللى كتب الخبر لو حد فينا كان بعيد و سمع الخبر ده حضرتك متخيل كان ممكن يحس بإيه او ممكن يحصل له ايه على ما يتأكد ان الخبر مش مظبوط؟ مش هقولك يا ريت يحصل فيك نفس الموقف عشان تعرف المصيبة اللى انت عملتها بس حقول لك حسبى الله و نعم الوكيل."

تفاعل العديد من محبي دلال عبد العزيز على منشور حسن الرداد ومن بينهم الفنانة الشابة ليلى زاهر وحساب تابع لمحبي دنيا سمير غانم والذي كتب "حسبي الله ونعم الوكيل".

يشار أن شائعة وفاة دلال عبد العزيز انتشرت منذ قليل وسرعان ما تم نفي الخبر من قِبل أسرتها كما هاجم الإعلامي رامي رضوان مروجي الشائعات ومن تناقلها.

اقرأ ايضًا:

حسن الرداد ردًا على مروجي شائعة وفاة دلال عبد العزيز: قرفنا منكم

تأثير "جلطة المخ".. طبيب نفسي يكشف لـ "في الفن" سبب فيديو إيمان البحر درويش "الصادم"

شريف عبد الهادي مؤلف فيلم "توك توك": الوصول للأوسكار "جائزة" وصورنا الفيلم في 3 أيام

سيرين عبد النور تعلن إصابة ابنها بحمى التيفويد