أسما شريف منير تتراجع عن نشر صورة بملابس مكشوفة: "شيطاني بيغلبني"

محمد سلطان محمود | فى حياة المشاهير

أسما شريف منير

20 يوليو 2021

أعلنت المذيعة أسما شريف منير تراجعها عن نشر أي صور تظهر فيها بملابس مكشوفة.

أوضحت أسما شريف منير عبر حسابها على Instagram أنها حذفت صورة نشرتها مؤخرًا، بعدما شعرت أن الشيطان تغلب عليها.

نرشح لك- رسالة شكر للنساء واستعراضات مبهرة ... 10 ملاحظات على مسرحية "كوكو شانيل"

نشرت أسما صورة جديدة وكتبت موضحة: " مسحت الصورة اللي فاتت و قلت أنزل دي بس عشان ساعات شيطاني بيغلبني زي باقي البشر".

أضافت: "وساعات بحس بالذات بعد ما خسيت أني عايزه ألبس لبس حلو وبناتي كده وأفرح أني بقي شكله حلو عليا، بس الصح صح مش هقاوح، أنا أصلاً مش بحب ألبس لبس مكشوف في العادي بس انجرفت ورا الدنيا اللي مش باقية".

تابعت أسما شريف منير: " فا هقاوم الإحساس ده هركز مع نفسي وفي لبسي أكتر وهحاول أنقي لبس يكون معتدل، وحلو عشان أشجع نفسي والبنات اللي يتابعني أنهم يلبسوا لبس حلو في نفس الوقت مش مفتوح".

أكدت: "مش عيب أن الواحد يعترف بغلطه وطول الوقت يحاول أنه يبقي أحسن، وبشكر المتابعين اللي لفته نظري بطريقة ذوق".

اختممت أسما شريف منير: "كل سنة وأنتم طيبين وحبايبي ودعمي، ربنا يفرح قلبنا كلنا ويهدينا بحبكم".