حلا شيحة ترد على والدها: أنا مش مخطوفة وجوزي مش بتاع ستات

مروة لبيب | فى حياة المشاهير

معز مسعود وحلا شيحة ووالدها

الأحد , 18 يوليو 2021 - 00:38 | اخر تحديث: الأحد , 18 يوليو 2021 - 00:42

دافعت الفنانة حلا شيحة عن زوجها الداعية والمنتج معز مسعود ضد تصريحات والدها الفنان التشكيلي أحمد شيحة التي تهاجم زوجها وتتهمه بخطفها.

وعبر حسابها على Instagram، نشرت حلا شيحة صورة لزوجها معز مسعود وعلقت عليها"الحقيقة مصدومة من الكلام اللي والدي قاله عن زوجي اللي اتجوزته بكامل ارادتي و الحمد لله لقيت معاه كل المعاني الجميلة من احترام ورجولة وشهامة نادرة الايام دي، وانا لم يخطفني احد كما قال والدي و الكلام ده لا يصح ابداً".

نرشح لك: والد حلا شيحة: ابنتي مختطفة وما تكتبه بتأثير من معز مسعود

وتابعت حلا شيحة "انا بحب زوجي و سعيدة بحبه ليا و بنحترم بعض و معز بيحترم رايي و بيقدر مشاعري و بالعكس هو دائما بيهدّيني . و طبعا بيساندني ويشجعني لاني زوجته و حبيبته..وهو اكبر بكتير من كل الكلام اللي بيتقال عليه و افتراءات مش صحيحة و هو ابعد ما يكون عنها.

واستكملت حلا "لن اسمح لاحد الكلام عنه و لن اسمح بأي تصور خاطئ عنه بأي شكل من الاشكال معز طول عمره له رؤيته الواضحة في الدين و حتي في الفن و هو ليس مع اي جماعة او فئة معينة هو يمثل نفسه و له افكاره وارائه العلمية و الدينية المختلفة الجميلة و ليس لاحد ان يصنفه او يضعه في اي قالب فقط لأن هواه لا يوافق ما يمثله معز..هو في ايه في بلدنا الايام دي بنحارب و نصارع في بعض و عايشين في قصص وهمية من نسج خيالنا عن بعض.

وأضافت شيحة "هو خلاص اي حد يتكلم بلغة الدين لازم يبقي متطرف او اخواني هو مبقاش في مسلمين وسطيين طبيعين هو ليه كل انواع الهجوم ده علي اي حد..انا زعلانة من والدي جداً لانه يعرف معز كويس جدا و قعدوا مع بعض كتير ووالدي يحبه جدا و شاف منه كل خير ومعز زيي اتجوز ١٤ سنة من عمره و كان مستقر في حياته و عنده ثلاث اولاد ربنا يخليهمله جمال ماشاء الله و عمره ما كان بتاع ستات زي ما بيتقال كلام لايليق ابدا و في الاخر زيي لم يكمل جوازه و حدث الطلاق و كلنا معرضين لده طبيعي انه كان بيحاول زي اي راجل محترم انه يلاقي استقرار في حياته في الحلال و متوفقش اكتر من مرة و دي مش حاجة تعيب أي حد ، والحمد لله اتقابلنا و تلاقينا لان ظروفنا قريبة جدا و عندي اولاد مثله و اولادنا شبه بعض الحمد لله و استقرينا احنا الاتنين ليه ده يزعل الناس بدل ما ندعي لبعض بالخير بقينا نتصيد لبعض ونخوض في اعراض بعض هو حصل في مجتمعنا ده احنا جرالنا ايه".

واختتمت حلا شيحة "في الاخر بوجه كلمة لوالدي الحبيب ان لا يصح ابدا كلامك مع كامل احترامي لك و للجميع .انا الحمد لله سعيدة في حياتي و مع زوج اتشرف انه زوجي و بعتز بيه و احنا اصدقاء قبل ان نكون أزواج و كل كلمة اكتبها و قلتها نابعة مني و انا متدينة بطبعي زي اي ست مصرية بتحب دينها وده لا يعيبني. وتديني اللي بدأ من اكتر من ١٥ سنة من المنطقي ان معز مش هو سببه..مش محتاجة حد يخطفني او يكتب عني او يوجهني.. هذا كلام لا يليق .دعوا الخلق للخالق و كل واحد يخليه في حاله .وياريت نسمع من بعض بدل ما نسمع عن بعض .احسنوا الظن".

وكان الفنان التشكيلي أحمد شيحة قد صرح بانه يشك في أن يكون تصريحها الأخير حول بعض مشاهدها في فيلم "مش أنا" بدافع منها.

وخلال مداخلة هاتفية مع الإعلامي محمد الباز في برنامج "آخر النهار" على قناة النهار، شرح والد حلا شيحة رأيه قائلا: "أثناء تصوير الفيلم كانت سعيدة بيه جدا، وكانت بتقول لي هيبقى فيلم هايل وهيحقق نجاح كبير.". للمزيد: والد حلا شيحة: ابنتي مختطفة وما تكتبه بتأثير من معز مسعود

كانت حلا شيحة نشرت صورة لفيلم "مش أنا" عبر حسابها بموقع Instagram وعلقت على الصورة معلنة ندمها على تصوير مشاهد تجمعها بالفنان تامر حسني في أحد الكليبات داخل الفيلم وقالت أنها طلبت منه حذف تلك المشاهد.

نرشح لك: حلا شيحة تهاجم تامر حسني بعد عرض كليب من فيلم "مش أنا"

ليرد عليها تامر حسني موضحا أنه حذف بالفعل ما طلبته وحاول التواصل معها لأكثر من مرة لكنها لم تكن تجيب على اتصالاته(لمزيد من التفاصيل).

يذكر أن فيلم "مش أنا" من بطولة تامر حسني، حلا شيحة، ماجد الكدواني، سوسن بدر، قصة تامر حسني وإخراج سارة وفيق.

لو فاتك: أحمد فهمي عن دوره في فيلم "العارف": كنت خايف من الخروج من الكوميديا وما بحبش اتفرج على نفسي

اقرأ أيضا

مخرجة فيلم "مش أنا": والد حلا شيحة اعتذر لـ تامر حسني (فيديو)

ابن حميد الشاعري عن منتقدات حلا شيحة: قمة الإلحاد

منتج "مش أنا": تامر حسني خصم من أجره لصالح حلا شيحة عشان يرفع من روحها المعنوية

ملحن أغنية "بحبك" لتامر حسني يهاجم حلا شيحة: الخناقة مع جوزك والبوست مش إعلان توبة