مخرجة "مش أنا" ترد على معز مسعود: المفروض تشكرنا اننا مخدناش إجراء قانوني ضد مراتك

مي جودة | فى سينما وتلفزيون

الملصق الدعائي لفيلم "مش أنا"

الجمعة , 16 يوليو 2021 - 02:07

كشفت المخرجة سارة وفيق عن العديد من الكواليس حول أزمة تصريحات الممثلة حلا شيحة عن فيلم "مش أنا"، وردت على ما قاله زوجها معز مسعود.

كتبت سارة وفيق عبر حسابها بموقع Facebook: "استاذ معز انا ساره وفيق مخرجة فيلم مش انا
قرأت بوست حضرتك اللي بتوضح فيه انك فاهم قصد حلا عن بعض اللقطات اللي كان المفروض نراعيها. . خلينا نتكلم بالحق بعد اذن حضرتك احنا نشيل مشاهد ليه و بأي حق بعد ما صورت و اخدت اجرها كامل ؟".

معز مسعود يدعم حلا شيحة ضد تامر حسني: لو نعرف أن الوعد مش كافي كنا مشينا في حلول تانية

وتابعت: واحنا مالنا انك اتجوزتها !!!! انت اتجوزتها فنانه و بتصور الفيلم دا و دي حاجه بينك و بينها احنا مالنا و كمان بتقول كنت هتاخد اجراء ..إجراء ايه اللي تاخده انت ملكش اي حق تاخد اي إجراء المفروض تشكرنا اننا مخدناش إجراء قانوني ضد مراتك اللي امتنعت عن تسجيل صوتها لدوبلاچ الفيلم وعن تصوير افيش الفيلم اللي مدفوع فيه ملايين انت متعملش حاجه غير انك تشكرنا لأننا شيلنا كل المشاهد اللي هي ماكنتش عايزاها وممكن ابعتهالك تشوفها عشان تعرف بس ازاي انا و المنتج و الفنان تامرحسني فتحنا الفيلم و عيدنا المونتاچ تاني على حساب الفنان تامرحسني مادياً عشان يرضي حلا مع انها مشاهد من وجهة نظري طبيعيه و كوميديه و رومانسيه راقيه لأن دي طبيعة افلام تامر ومع ذلك شال كل المشاهد دي و احترم وجهة نظرها".

وأضافت: فيما يخص الكليب بقي هو حضرتك كنت فين من ٢١ يوم من ساعه ماالفيلم نزل ماهو الكليب في الفيلم ومصر كلها تقريباً شافت الفيلم و محقق اعلى ايرادات كنت فين حضرتك و هي كانت فين ؟؟؟ ماهو الفيلم كله على بعضه هينزل كمان في التلفزيونات بالكليب اللي جواه".

واستطردت سارة وفيق: وبعدين دا كليب رومانسي و المراعاه من وجهة نظرك هي ضرر من وجهة نظر الإنتاج و دي مصاريف كبيره اوي و حلا وافقت تصور برضاها و رغم كل دا كلمناها كتير مردتش علينا ولا علي رسايلنا كان لازم بخبرتك تخليها تتواصل مع شغلها و تقفل الصفحه صح مش تخليها تقاطع شغلها و تورطها كدا دا لو انت السبب في المقاطعه دي والله اعلم ، بعدين حضرتك كنت فين و هي بتكتب البوست الصبح ليه المواعظ العظيمه الجميله دي منصحتهاش بيها، دا لو مش انت اللي كاتب البوست اصلاً.

واختتمت كاتبة: أنا مكنتش ناويه ارد على حلا لأن تامر رد بمنتهي الادب والاحترام ووضح كل حاجه وحلفني مااردش عشان خاطر نفسيتها بس انت استفذتني بصراحه و لو انت اللي ارغمتها تكتب بوست بالشكل الساذج دا عشان تحافظ على منظرك قدام الناس فاانت فضلت نفسك على حساب حلا و للأسف خليت الناس كلها تهاجم مراتك دا لو انت السبب برضو والعلم عند الله".

يشار أن حلا شيحة نشرت صورة لفيلم "مش أنا" على حسابها بموقع أنستجرام وعلقت على الصورة معلنة ندمها على تصوير مشاهد تجمعها بالفنان تامر حسني في أحد الكليبات داخل الفيلم وقالت أنها طلبت من تامر حسني حذف تلك المشاهد وهو الأمر الذي نفاه حسني في أول تعليق له.

يذكر أن فيلم "مش أنا" من بطولة تامر حسني، حلا شيحة، ماجد الكدواني، سوسن بدر وغيرهم نخبة من النجوم. الفيلم قصة تامر حسني وإخراج سارة وفيق.

لا يفوتك... 9 مطربين يرفعون الآذان- بهاء سلطان وفضل شاكر وحمادة هلال وأحمد سعد وصابر الرباعي وإيمان البحر درويش

اقرأ أيضا

حلا شيحة تهاجم تامر حسني بعد عرض كليب من فيلم "مش أنا"

منتج "مش أنا": تامر حسني خصم من أجره لصالح حلا شيحة عشان يرفع من روحها المعنوية

في ظهورها الإعلامي الأول بعد أزمتها.. شيرين عبد الوهاب تلقي التحية العسكرية أمام الرئيس

خالد عليش يعلن خطوبته على مريهان عمرو: كملت الحتة الناقصة - (صور)