منتج "مش أنا": تامر حسني خصم من أجره لصالح حلا شيحة عشان يرفع من روحها المعنوية

مي جودة | فى سينما وتلفزيون

صورة من فيلم "مش أنا"

الجمعة , 16 يوليو 2021 - 00:01 | اخر تحديث: الجمعة , 16 يوليو 2021 - 00:03

علق أحمد دسوقي شريك الإنتاج في فيلم "مش أنا" على تصريحات الممثلة حلا شيحة حول مشاهدها التي طلبت بحذفها من الفيلم.

كتب دسوقي عبر حسابه بموقع Facebook: "كل اللي طلبته حلا تامر نفذه و زياده و مكانش ليها اي طلبات بخصوص الكليب و تامر وقف في ضهرها و صمم يشيل كل اللي طلبته و عارض كل جهات الإنتاج عشان كان في خطوره على درامة الفيلم و تحملها تامر على عاتقه و فتح الفيلم تاني مع المخرجه و معايا شخصياً و بقينا بنشيل و بنحاول نحل الدراما بطريقه تانيه مرهقه و متعبه جداً".

نرشح لك: تامر حسني يرد على حلا شيحة : صورتي بارادتك وتقاضيتي أجر كبير وموعدتكيش بحاجة

وأضاف: تامر عشان خاطر ارضاء حلا فضل قاعد في المنتاچ اسبوع كامل بيحل اضرار حذف المشاهد اللي طلبتها حلا عشان السياق الدرامي ميتأثرش بالسلب و الحقيقه ان كل جهة الإنتاج كانوا رافضين الحذف لإن دا شغل و كل حد اخد اجره عليه و مينفعش نبوظ فيلم بيتصور في سنتين و بيتحضر في سنه و فيه نجوم كبار عشان استاذه حلا وصلت فجأه للسلام النفسي مع نفسها و هل من الصح انها تدي نفسها الحق انها تتهم و تشكك في النوايا و العقائد الدينيه لناس وقفوا جانبها دا كلام لا يعقل و مرفوض تماماً.

وتابع: أنا مصدوم من تصريحات حلا تحديداً في حق الراجل الوحيد اللي كان في ضهرها و كمان حارب عشان يجيبلها اجر كبير جداً عشان يرفع من روحها المعنويه بعد ما طلبت منه يساعدها عشان ترجع في السينما بقوه و للعلم … كلمة حق قدام ربنا في حق الراجل دا عشان اجرها المادي يكبر تامر خصم من اجره الشخصي عشان يتحط عند حلا دا غير انها مكانتش بترد علينا كلنا قبل طرح الفيلم نهائي …كان ممكن يا حلا تتكلمي معانا كلنا او تيجي تشوفي الفيلم قبل نزوله و نحل كل شيء بمنتهى الود و الإحترام معرفش ليه عملتي كدا و كلنا كنا جانبك.

[Image_2]

يشار أن حلا شيحة نشرت صورة لفيلم "مش أنا" على حسابها بموقع أنستجرام وعلقت على الصورة معلنة ندمها على تصوير مشاهد تجمعها بالفنان تامر حسني في أحد الكليبات داخل الفيلم وقالت أنها طلبت من تامر حسني حذف تلك المشاهد وهو الأمر الذي نفاه حسني في أول تعليق له.

يذكر أن فيلم "مش أنا" من بطولة تامر حسني، حلا شيحة، ماجد الكدواني، سوسن بدر وغيرهم نخبة من النجوم. الفيلم قصة تامر حسني وإخراج سارة وفيق.

لا يفوتك... 9 مطربين يرفعون الآذان- بهاء سلطان وفضل شاكر وحمادة هلال وأحمد سعد وصابر الرباعي وإيمان البحر درويش

اقرأ أيضا

خالد عليش يعلن خطوبته على مريهان عمرو: كملت الحتة الناقصة - (صور)

ملحن أغنية "بحبك" لتامر حسني يهاجم حلا شيحة: الخناقة مع جوزك والبوست مش إعلان توبة

محمد العدل يهاجم حلا شيحة: رجعي الفلوس اللي أخدتيها

منة فضالي تهاجم حلا شيحة : مينفعش قبل الجواز كلام وبعد حاجة تانية