مصطفى درويش معلقا على تصريحات شريف مدكور: المحتاج عفيف وعنده كرامة

مي جودة | فى حياة المشاهير

مصطفى درويش

السبت , 5 يونيو 2021 - 18:45

علق الممثل مصطفى درويش على تصريحات مقدم البرامج شريف مدكور حول رفضه لمساعدة المحتاجين ماديا.

كتب درويش عبر حسابه بموقع Facebook: "عنده حق الموضوع ده مستفز فعلا بس بنشوف الرسايل اللي زي دي ومش بنرد بعمل نفسي ما شوفتهاش وخلاص، علشان المحتاج بجد بيكون عفيف وعنده كرامه انما دول نصبايه ودايره علي الكل".

وكان مدكور كتب عبر موقع Facebook: "قال مدكور "صباح الخير ياريت محدش يبعت يطلب مني أنه يستلف فلوس علشان أنا ضد الموضوع دة، أنا عارف إن الحياة صعبة، بس على قد لحافك مد رجليك شكرًا"، وتلاها بتوضيح جاء فيه: "في ناس كتير هاجمتني والموضوع بقى تريند مع أنه تافه جدا، ومش أول مرة أكتبه، أنا بس عاوز أفهم يعني إيه حد أنا معرفوش يبعتلي يقولي أنا عاوز استلف 100 ألف جنيه، أولا اللي عاوز يستلف عمره ما بيبعت لحد ميعرفوش هيبعت لحد من أهله، وفي حدود في الطلب والسلف".

وتابع: "أنا شخص صريح في ناس قالوا عني أني قليل الأدب بس دي فلوسي وأنا بشقى فيها، يعني إيه أسلف حد معرفوش، أسلف حد قريبي عارف أن هو هيرجعهولي، يعني إيه واحدة تبعتلي تقولي عاوزة 100 ألف جنيه علشان اشتريت حاجات من ورا جوزي وهتفضح وهديهوملك كمان سنة، ولا واحد يقولي محتاج 6000 جنيه علشان أدفع قسط الموبايل اشتريت ليه الموبايل وأنت مش معاك فلوسة، مش عارف استوعب".

شريف مدكور: بيطلبوا مني 100 ألف جنيه سلف وبيذلوني بالدعاء لي في مرضي (فيديو)

يذكر أن شريف مدكور قدم برنامج "حول الأرض في 30 يوم" أثناء شهر رمضان المبارك، عرض البرنامج على إذاعة راديو النيل، كما يقدم برنامج "4 شارع شريف" على قناة الحياة.

اقرأ أيضا:

بعد فيديو محمد رمضان.. نائبة برلمانية تطالب بمعاقبته بتهمة استغلال منصات التواصل الإجتماعي

تشييع جثمان شقيق شيرين بعد وفاته بفيروس كورونا

مأخدتش بالي ... عفاف مصطفى تعلن وفاة زوجة محمد الحلو بعد رحيلها بـ 6 سنوات

ملاحظات على إعلان فيلم "مش أنا" لـ تامر حسني ... كوميديا ماجد الكدواني وضيوف الشرف