الملخص- بوسي شلبي في "شيخ الحارة والجريئة": أمنية حياتي الموت ومعملتش ولا عملية تجميل في وشي بسبب سعاد نصر

مروة لبيب | فى سينما وتلفزيون

بوسي شلبي

الثلاثاء , 27 أبريل 2021 - 03:04 | اخر تحديث: الثلاثاء , 27 أبريل 2021 - 03:04

حلت الإعلامية بوسي شلبي ضيفة في برنامج "شيخ الحارة والجريئة" مع المخرجة إيناس الدغيدي عبر "القاهرة والناس".

وخلال الحلقة تحدثت بوسي شلبي عن الكثير من الاسرار في حياتها العملية والشخصية.

وفي النقاط التالية نرصد لك تصريحات بوسي شلبي مع "شيخ الحارة والجريئة:

-رجاء الجداوي وحشتني وافتقدها كانت بتعوضني عن أمي وأختي.

-روحي راحت من بعد ما محمود راح وأمنية حياتي أشوفه ومن ساعة ما مات وأنا تعبانة ومش سعيدة وأمنية حياتي أموت وأروح له وحشني.

-إتعمل ليا أعمال كتير وأنا بأقرأ سورة البقرة كل يوم ويمكن هي اللي بتحميني من الأعمال.

- كنت بتردد على قارئة فنجان في الإسكندرية، وأقالتلي أختك هتموت وحياتك هتدمر ودا اللي حصل وبعدها قاطعت قراءة الفنجان ومعرفة مستقبلي.

-اتسببت في فشل فرح ابن أختي عشان كنت رافضة العروسة تماما أنا شوفت في المنام أن عروسته مش تكون طيبة معاه واتكلمت معاه عن أنه مش هينجح معاها بس أصر يتجوزها وأختي جاتلي في المنام قالتلي أنقذي أبني.. قولتله الفرح ده مش هيكمل على جثتي.

-أمي كانت على طول بتحط الشبشب أبو وردة على الباب، وكنت دايما أتضرب منها لأن كان لازم أرجع البيت الساعة 10 وكل لما أرجع متأخرة الشبشب أبو وردة يشتغل عليا وأتضرب علقة موت.

-في مرة كنت خارجة مع إلهام شاهين وعادل حسني وكانوا متجوزين في مركب بالنيل والمركب عطلت بعد ما مشيت في وسط النيل وروحت البيت متأخر طلعت إلهام شاهين وجوزها عادل حسني فوق لماما وفجأة لقيت الشبشب نزل على عادل وبعدين دخلت على إلهام شاهين وبعدين جابتني أنا من شعري وكملت عليا بس إلهام وجوزها كلوا علقة يومها ما يحلموش بيها.

-عمر الشريف كان عصبي بسبب إصابته بضيق في الشريان التاجي لدرجة إنه ضرب مذيعة في مهرجان في الدوحة، وشتم البعثة المصرية في أحد المهرجانات بسبب سوء جودة الفيلم وصناعته.

-ريا أبي راشد أفضل مذيعة بالمنطقة العربية بس مش في مصر وعلى مستوى الشعب المصري الإعلامية لميس الحديدي هي الأفضل منها.

-معملتش ولا عملية تجميل جراحية لإني خفت من تجربة سعاد نصر، وأتمنى يفتحوا أوضة عمليات من غير بنج، كل حاجة دون بنج عملتها لسه عاملة بوتكس وكل حاجة بعملها على الهواء باخد الفيتامين على الهواء والتخسيس على الهواء كل الناس شايفين حياتي بابي مفتوح وحياتي كلها على السوشيال ميديا.

يذكر أن برنامج "شيخ الحارة والجريئة" يتم عرضه يوميا خلال شهر رمضان في الساعة 6:25 مساءً بتوقيت مصر عبر قناة القاهرة والناس.

اقرأ ايضًا:

لقطات حقيقية من تفجير مديرية أمن القاهرة وحلم يتكرر ... ملاحظات على الحلقة الـ14 من "الاختيار 2"

تعديل تتر "نجيب زاهي زركش" وإضافة اسم العمل المقتبس منه

الطفلة ريما صاحبة فيديو "عطيات مش تيتو" ... والدها ممثل مسرحي ولا تعرف معنى "يا فلاحة"

زواج "حازم" و"أمينة"... جمهور " لعبة نيوتن " يكتب سيناريو نهاية المسلسل بهذه الصور

بوسي شلبي إيناس الدغيدي برنامج شيخ الحارة والجريئة برامج رمضان 2021