الملخص - ريم البارودي في "العرافة": أحب أمير كرارة ومحمد رمضان... وغادة عبد الرازق سبب استبعادي من فيلم "بون سواريه"

محمد أحمد | فى حياة المشاهير

ريم البارودي

الخميس , 22 أبريل 2021 - 01:46 | اخر تحديث: الخميس , 22 أبريل 2021 - 01:47

حلت الفنانة ريم البارودي ضيفة على برنامج "العرافة" مع الإعلامية بسمة وهبة عبر قناة "المحور".

وخلال الحلقة تحدثت ريم البارودي عن الكثير من الأسرار، وفي النقاط التالية ونرصد لك أهم تصريحاتها مع "العرافة"...

نرشح لك : محمد فراج الخائن في رمضان 2021

- أنا لست طماعة ولا كذابة ولا خائنة، لكنني لست ملاكا، فأنا سريعة الغضب وأحاول أن أتحكم في غضبي بشكل كبير.

- مش بغير من نجمات الصف الأول وبشوف كل واحدة تستحق أن تكون صف أول وسبقاني، ولكن لما ألاقي ناس مش سبقاني واصبحوا صف أول، أغير منهم.

- تجربتي كمذيعة كانت حب التجربة وصرفت أموال كثيرة على ملابس البرنامج ومصاريفي على الملابس ميزانية لوحده.

- قلت سابقا أن الحقد والحسد أخطر من الفيروسات، وكنت أقصد بهذا التصريح زميلات كثر في الوسط الفني، فخلال العام الماضي هناك ناس وقعت من حياتي بشكل كبير.

- في المجال الفني وغيره لنا زملاء لكنهم ليسوا أصدقاء وكانوا عاملين نفسهم بيحبونا أوي وفجأة العلاقات انقطعت.

- أمي كانت بتقولي خدي بالك من الناس عشان الحقد والحسد... أنا اتحسدت على مالي وجمالي وشهرتي.

- عشت قصص حب خلال إحدي فترات حياتي، وعايشة قصة حب دلوقتي.

- أنا مش شاطرة في الحياة زي التمثيل ومش بعرف اتحكم في نفسي وغضبي... عشان كدا خسرت كتير.

- قلت قبل كدا إني مش هقبل أكون زوجة ثانية في فترة من الفترات، ولكنني الآن ممكن أكون زوجة ثانية لرجل كان متزوجا وانفصل.

- أنا لم أصرح بفضائح عن طليقي بل كنت أشكر فيه، وما قلته كان مجرد انتقام امرأة، وأكتر حد وجعني بخيانته العيش والملح شخص مقرب مني.

- أرفض التعليق على خطوبة الفنان أحمد سعد، فهو شخص وراح لحاله وربنا يتممله على خير.

- ريهام سعيد دخلت تبارك لأحمد سعد على خبر خطوبته "عشان تضايقني"، ودايما بنتخانق أنا وريهام سعيد مع بعض عشان إحنا مش شبه بعض خالص.

- في مشاكل بيني وبين ريهام سعيد، ومرفوع عليا قضية منها، وفهي حررت محضر إداري بالإزعاج ضدي، وتم حفظ المحضر.

- احتراما لنقابة المهن التمثيلية والدكتور أشرف زكي، أنا سكت على قضية ريهام سعيد اللي مرفوعة عليا، فهي مصممة على أذيتي.

- انا كنت زعلانة من سمية الخشاب لكنها صعبت عليا، عشان دوقت اللي كانت فيها، فهى تعرضت للأذى جامد ولو شفتها في أي مكان هسلم عليها عادي ومفيش بيننا أي مشاكل".

- انسحاب أحمد السعدني مسلسل "كله بالحب" مهزلة وأنا زعلانة منه.

- أحب أمير كرارة ومحمد رمضان، وأفضل بيتر ميمي في الإخراج عن محمد سامي.

- أحب غادة عبد الرازق، وهي نجمة كبيرة ومحترمة، وروحت لمحمد السبكي عشان فيلم "بون سوارية"، وكنا 3 أبطال، غادة عبد الرازق، وأنا، ومي كساب، وكان فاضل يومين على التصوير، وفوجئت إنهم شالوني من الفيلم.

- محمد السبكي أبلغني أنني مش متواجدة في الفيلم، وقال لي في حاجة بينك وبين غادة عبد الرازق، وهحطك في فيلم تاني.