الملخص- محمد منير في "صاحبة السعادة": يوسف شاهين كتب أغنية "حدوتة مصرية" على قبره وعيطت قدامه عشان أغني لوحدي

مروة لبيب | فى موسيقى وحفلات

محمد منير

الثلاثاء , 23 مارس 2021 - 03:03 | اخر تحديث: الثلاثاء , 23 مارس 2021 - 03:03

حل الفنان محمد منير ضيفا على برنامج "صاحبة السعادة" الذي تقدمه الفنانة إسعاد يونس ويعرض عبر dmc.

وخلال الحلقة تحدث محمد منير عن ذكرياته وكواليس أشهر أعماله التي تجمعه بعمالقة الفن نرصدها لك في السطور التالية:

نرشح لك: بعد سقوط ديكور الاستديو... إبراهيم عيسى بخير

- أول فيلم عملته عام 1982 كان فيلم "حدوتة مصرية" وكان مع حبيبة عمرى وأختى النجمة يسرا، وكانت نحيفة وأنا نحيف وكان عاملنا مشاكل في التصوير.

-عملت أغنية تاريخية "حدوتة مصرية" ويوسف شاهين عظيم كتب على قبره كلمات أغنية حدوتة مصرية.

-يوسف شاهين كان بيعتبرنى حنجرته وصوته فى الأفلام، ولو كان عاوز يزعق لحد يزعقلى، ولو عاوز يشتم حد يشتمنى أنا، وكان بيعمل كده معايا من أول حدوتة مصرية.

-فوجئت بوفاة حبيبي عزت العلايلي مؤخرًا ربنا يرحمه واتصلت بنجله محمود العلايلي أمس لتعزيته.

-دورى في فيلم "يوم مر يوم حلو" أمام سيدة الشاشة هو فى الحقيقة كان دور أحمد زكى وفاتن حمامة كانت رافضة أمثل الدور ده؛ لأنه كان دور شرير، ومش هينفع ليا خالص، بحجة أن ملامحى طيبة، فإزاى أعمل دور شرير.

-عملت فيلم "الطوق والإسورة" مع حبيبتى شريهان ربنا يديها الصحة، وهى من أجمل فتيات مصر.

-كل فريق عمل المصير كان رائع ويوسف شاهين كان طالب منى أتمرن أنا وخالد النبوى على ركوب الخيل، روحت أول يوم وتانى يوم وبعد كده بطلت أروح لأن عندى فوبيا من الحصان بس رجعت روحت تانى في الآخر عشان الدور.

-يوسف شاهين وكمال الطويل كان مش عاجبهم الغنا، وكل ما أغنى أسمع غلط ومقدرش أعترض عليهم ولا أتخانق معاهم.

-قلت أضرب شاهين ولا أعمل إيه روحت عيطت وده خبث منى ولؤم، ولما شافوا الدموع نازلة من عينى سابوا لى الاستوديو، خلصت الأغنية فى 5 دقائق.

-معروف عنى فى وسط الاستوديوهات ومهندسى الصوت إنى أسرع وأشطر مغنى، لأنى بأروح مذاكر.

-بحب شخصية مروان اللى قدمتها فى فيلم المصير؛ لأن الشخصية كانت قريبة منى ومن شخصيتى، وكان مع حبيب قلبى الراحل نور الشريف وصديقى محمود حميدة وصفية العمرى ربنا يديها الصحة.