الملخص- مدحت صالح في أبلة فاهيتا (2) : أحلى حاجة في الملهي الليلي النقطة ولحد دلوقتي متصابتش بكورونا

مروة لبيب | فى حياة المشاهير

مدحت صالح وأبلة فاهيتا

السبت , 20 مارس 2021 - 15:28 | اخر تحديث: السبت , 20 مارس 2021 - 15:29

حل الفنان مدحت صالح ضيفا على برنامج "لايف من الدوبلكس" مع الدمية الشهيرة "أبلة فاهيتا".

وخلال الحلقة كشف مدحت صالح عن أسرار من حياته الفنية والشخصية:

نرشح لك: إلهام شاهين تكشف تفاصيل محاولة زوجها السابق تشويه وجهها: العصمة كانت في إيدي (فيديو)

وفي السطور التالية نرصد لك تصريحات مدحت صالح مع أبلة فاهيتا:

-زوجتى الحالية معايا بقالنا 11 سنة واستمرار الزواج لأنها مريحانى وهى هادية وأجمل حد في عينيا.

-صباح من أحلى السيدات اللى بشوفها في حياتى وهى تركيبة تخلى الإنسان يكون مقبل على الحياة وهى من أجمل القلوب اللى بشوفها بس كانت بتخاف جدا.

-"بمناسبة إن صباح بتخاف في مرة كنا رايحين حفلة في العراف وكنت معاها في الطيارة وروحت أقولها تخيلى لو مكان الكرسيين اللى احنا قاعدين عليهم وقعوا فاجأة كانت بتترعش وتخاف جدا.

-أنا مش مع منع حد وخصوصا مطربي المهرجانات يا رب كل المصريين يغنوا ولكن أنا مع أحل المشكلة أشوف مشكلتى معاهم في إيه بالظبط وأحاول أحلها وأديهم فرصتهم ينطلقوا ويشتغلوا.

-أنا كنت بخرج من البيت للأستوديو وارجع تاني لحد دلوقتي متصابتش بكورونا.

-اشتغلت على 16 أغنية واخترت 14 أغنية لحد دلوقتي واحتفظت بالباقي لوقت تاني.

-الأغاني بتعبر عني وعن مزاجي أنا.

-والدي الوحيد اللي اعترض على دخولي الفن ووالدتي كان صوتها حلو.

- كنت بغني من وأنا صغير لكن بداية احترافي في الإذاعة من سن 16 سنة.

- كونت فرقة مع أصدقائي في روض الفرج وكنا نحيي أفراح المنطقة وكنت بقبض 2 جنيه ونص.

-بداياتي الحقيقية كفنان استعراضي كانت مع المخرج فهمي عبد الحميد فهو أول من قدمني للفوازير.

-أحلى حاجة في الملهى الليلي النقطة والناس لو حبوكي بيرموا فلوس كتير أوي كنت باخد تلت النقطة.

-كنت عامل دور موظفة في مسرحية "حزمني يا" وشريف منير كان أحلى ضهر في الحياة.

اقرأ أيضا:

ابنة شقيق شادية ترد على تصريحات نادية الجندي.. الأخيرة تعتذر: لم أقصد الإساءة

الملخص- إلهام شاهين في "السيرة" (1): تركت جامعة الأزهر لدخول معهد التمثيل ووالدي قاطعني وتمنيت أن يسامحني قبل وفاته

موعد عودة وائل الإبراشي لـ"التاسعة"

منة عرفة: إيدي اتحرقت وهعمل أشعة على المخ