لميس للحديدي تكشف تفاصيل حادثة عمرو أديب وتوجه الشكر لأربعة شباب

FilFan | فى حياة المشاهير

لميس وعمرو أديب

السبت , 20 فبراير 2021 - 21:53 | اخر تحديث: السبت , 20 فبراير 2021 - 23:02

طمأنت الإعلامية لميس الحديدي الجمهور على الحالة الصحية للإعلامي عمرو أديب بعد تعرضه لحادث مروري مساء الثلاثاء الماضي.

قالت لميس الحديدي عبر برنامجها "كلمة أخيرة" المذاع على قناة ON، اليوم السبت: "عاوزه أتكلم في موضوع مالوش علاقه بالشغل، عاوزة أطمن كل الناس اللي بتسأل على عمرو بعد الحادثه الصعبة اللي تعرض لها مساء الثلاثاء الماضي، هو الحمد لله بخير بشكل عام ربنا نجاه بأعجوبة الحقيقه لأن العربيه اللي خبط فيها واللي وقفت فجأة، كانت محملة بأنابيب بوتاجاز فكان ممكن تنفجر في أي لحظة".

تعليق دار الإفتاء المصرية على الشماتة في عمرو أديب

تابعت: الدكاترة طمنونا على حالته عموما، لكن هو لسه بيعاني من آلام مبرحة غالبا من الكدمات والردود نتوقع إنها تاخد بعص الوقت، وإن شاء الله يحاول يرجع لجمهوره قريبا بإذن الله، لكن هو محتاج يستريح شويه علشان يقدر يرجع تاني، وانا طبعا ماكنتش هقدر انزل الشغل او أكون معاكم إلا وأنا مطمئنة عليه انه بيتماثل للشفاء وأن حالته تسمح أني اسيبه بعض الوقت، لأن في مثل هذه الاحداث دوري كزوجة بييجي قبل دوري كإعلامية.

وجهت الإعلامية الشكر للجمهور ولكافة المسؤولين في الدولة، قائلة: "عاوزة أشكر كل الناس اللي سألوا علينا وعليه من أصغر حد لأكبر حد، من الجمهور البسيط اللي كان بيبعتلي رسائل ودعوات وشمع في الكنائس، لأكبر مسئولين في البلد بشكرهم جميعا، زملاءنا الإعلاميين، الفنانين من كل الوطن العربية، الدكاتره اللي كانوا بيكلموني ، مستشفي دار الفؤاد اللي انقذت عمرو في اللحظات الأوبى، ألفا سكان اللي دايما في ضهرنا، و طبعا أصدقائي وأصدقاء عمرو اللي ماسابونيش لحظة واحدة. باعتذار اني ماكنتش بارد علي الاتصالات، لكن ممتنين جدا لاهتمامهم، وحبهم اللي حسينا بيه".

عودة عمرو أديب للمستشفى بعد شعوره بآلام شديدة

كشفت لميس الحديدي لأول مرة عن هوية أربعة شباب كان لهم دورًا كبيرّا في إنقاذ زوجها الاعلامي عمرو أديب للمستشفى وإنقاذه، قائلة: " أنا هنا سأخص بالشكر ٤ شباب بالاسم لانهم هم دول اللي نقلوا عمرو المستشفى بعد الحادث مباشرة وفضلوا معاه لحد ماانا وصلت مباشره بعد الحلقه يوم الثلاثاء، لمهندس مصطفي عزب، الدكتور كريم النحاس، دكتور طارق سلامة، المهندسة داليدا. الشباب دول انا مااعرفهومش، لكنهم تصادف وجودهم في نفس مكان الحادث ونقلوه المستشفى و فضلوا معاه لحد وصولي وكملوا معايا لحد ما اتطمنوا عليه، الشباب دول أنا صممت اخد أساميهم علشان اشكرهم بنفسي ، فيه لسه ناس محترمه بجد".

يذكر أن برنامج "كلمة أخيرة" تقديم الإعلامية لميس الحديدي ويذاع من السبت إلى الثلاثاء في تمام التاسعة على شاشة "ON".