الملخص- سميرة سعيد في الجزء الثاني من "السيرة": اتعرضت للتحرش الجسدي ولا يمكن أصرف على راجل

مروة لبيب | فى حياة المشاهير

سميرة سعيد

السبت , 20 فبراير 2021 - 14:02 | اخر تحديث: السبت , 20 فبراير 2021 - 14:02

حلت الفنانة سميرة سعيد ضيفة في الجزء الثانى من برنامج "السيرة" مع الإعلامية وفاء الكيلانى المذاع على قناة Dmc،

وتحدثت سميرة سعيد خلال الحلقة عن حياتها الشخصية وتربيتها لابنها شادى:

نرشح لك: تدهور الحالة الصحية لوالدة رضوى الشربيني ووضعها على جهاز التنفس الصناعي

وفي نقاط نستعرض أبرز تصريحات سميرة سعيد في الجزء الثاني من "السيرة":

1- تجاربى مع الرجل طلعت بيها إن لو مفيش احترام ومودة بلاها العلاقة أفضل وكمان لو العلاقة مش متكافئة.

2-محبش أصرف على رجل، ولكن لو هو مش قادر يصرف عليا وأنا مقتدرة ممكن أصرف على نفسى وهو يصرف على نفسه طلاما في احترام.

3-بدأت أتعود على الوحدة وعمرنا ما هنقدر نستغنى عن الحب والحنان لغاية آخر نفس فى حياتنا.

4-أنا متوفقتش فى البنى آدم اللى يكون توأم روحى.

5-أول قصة حب في حياتي وأنا عمري 5 سنين مع طفل اسمه عتمان في المدرسة.

6- طلعت شادي إنسان محترم وزرعت شوية قيم جواه وإزاى يحترم والدته وأصدقاءه والمرأة بشكل عام، ويكون إنسان يقدر يواجه المجتمع.

نرشح لك: فيديو - مي عمر: اضايقت من نهاية "لؤلؤ" وكنت اتمنى تغيرها

7-أكيد بحلم أجوزه وأكيد هكون مبسوطة لو اتجوز وأنا موجودة في الحياة بس هو عنده 25 سنة ولسه مبدأش حياته العملية بشكل واضح عشان بيدور في كذا حاجة لسه، ولازم يقدر يواجه الحياة ويبدأ يكسب فلوس وينتج ويفتح بيت عشان يبقى راجل مسئول.

8-شادى لم يحصل على الجنسية المصرية لأن لديه جنسيتين المغربية والأمريكية فمينفعش ياخد الجنسية التالتة للأسف.

9-تعرضت لمعاكسات كثيرة ولكن مرة واحدة حدث تحرش أثناء تواجدي مع صديقاتي في غابة المعمورة، إذ حاول رجل كبير التحرش بي لكنني دفعته بقوة وأعطيته درسا قاسيا.

10-زواجى الأول لم يكن بموافقة كل الأهل لكن تانى مرة الكل كان موافق.

11- زواجى الأول كان من الموسيقار هانى مهنا عام 1990 وانفصلنا بعد 4 سنوات، وتزوجت من مصطفى النابلسى والد ابنى شادى بعد انتهاء العدة بشهر، وانفصلنا أيضا بعد 4 سنوات.

12-أزعجتني تصريحات هاني مهنا والزواج في حد ذاته له أسراره وخصوصيته والشخصين فقط اللى بيكونوا عارفين أسبابه ومسبباته والجهر بالتفاصيل حاجة مش كويسة.