حسام داغر لـ ميمي جمال: متزعليش من ناس في الوسط ميعرفوش قيمتك

ولاء مطاوع | فى حياة المشاهير

ميمي جمال وحسام داغر

الخميس , 4 فبراير 2021 - 00:02 | اخر تحديث: الخميس , 4 فبراير 2021 - 00:02

وجه الفنان حسام داغر، رسالة إلى الفنانة ميمي جمال، بعد إعلان اعتزالها الذي أثار الجدل خلال الأيام الماضية.

ونشر داغر عبر حسابه على Instagram صورة جمعته مع ميمي جمال وكتب معلقا: "بقى معقول القمر دي يعتزل.. إزاي يا ميمي يا أجمل ست في الدنيا.. ده أوحش خبر سمعته.. ده أنتي اللي فاضلة لنا من زمن كان جميل.. أنتي وعم حسن الله يرحمه.. كنت أشوفك بس اتبسط.. أنتي بس أكيد بتشوفي غلاوتك عندنا وأننا منستغناش عنك.. طب أنا هتحايل عليكي شوية"

تابع: "حاسس بيكي وأنتي اللي عندك لسه كتير يا كتلة الحنان والطيبة.. متزعليش من ناس في الوسط ميعرفوش قيمتك.. وأنتي اللي يعرفك كويس مش بس يحبك.. ده يموت فيكي جاية تسيبينا بعد ما الجميلات راحوا.. هيتبقى لنا مين.. كده الجمال في الشغلانة هيقل يا ميمي يا جمال يا ملكة الجمال قولوا لها ارجعي ومتسيبيناش".

وكانت الفنانة ميمي جمال قد أعلنت اعتزالها على الهواء مباشرة خلال مداخلة هاتفية إلى برنامج"هذا الصباح" الذي تقدمه الإعلامية أسماء مصطفى على قناة "إكسترا نيوز".

قالت ميمي جمال خلال المداخلة، إنها عاشت فترة طويلة مع زوجها الفنان حسن مصطفى أكثر من 40 عامًا كزوجين في المنزل أما خارجه فكل منهما لديه عمله، متابعةً أن زوجها كان سند وظهر وعشرة عمر وبعد وفاته مرت بفترة نفسية سيئة، وبعدها شاركت في فيلم "لف ودوران" مع الفنان أحمد حلمي وبعدها قررت اعتزال الفن.

اقرأ أيضًا

القائمة الكاملة لـ Golden Globes 2021.. ترشيح رامي يوسف وNetflix حاضرة بقوة

دموع وتأثر... سالي عبد السلام بعد انفصالها: أغلب اللي نعرفهم مبقوش رجالة!

أيمن بهجت قمر مستاء من تجاهل مصطفى محمد لتهنئته: لازم أكون مدرب علشان اللاعب ميحرجنيش؟