أبو الليف لأيمن بهجت قمر: اللي بينا دم

مروة لبيب | فى حياة المشاهير

أبو الليف وأيمن بهجت قمر

الثلاثاء , 12 يناير 2021 - 11:01 | اخر تحديث: الثلاثاء , 12 يناير 2021 - 11:01

نفى الفنان نادر أبو الليف وجود خلافات بينه وبين الشاعر الغنائي أيمن بهجت قمر مشددا على صلة القرابة التي تجمعهما.

أيمن بهجت قمر يرد على نادر أبو الليف: مقصرتش معاك

وخلال لقائه في برنامج The Insider بالعربي، قال أبو الليف إنه لا يكن أي حقد أو ضغينة تجاه نجل شقيقته أيمن بهجت قمر وأنه يعلم الأصول جيدا ولا يجرؤ أن يتحدث عنه بصورة سلبية وقال "مفيش زعل بيني وبين أيمن بهجت قمر، هو زعلان هو حر أنا مجبتش سيرته في حاجة وحشة إحنا ناس متربيين وعارفين الأصول بس وصلك كلام إني بتكلم عنك وحش، اللي قالك الكلام هو اللي اتكلم عنك وحش".

View this post on Instagram

A post shared by The Insider بالعربي (@theinsiderar)

ووجه أبو الليف رسالة عتاب لأيمن بهجت قمر قائلا" اللي بينا دم .. احنا أهل وافتكر مين أول واحد أخدك في ايده للاستديو وخلاك تشوف الناس بتعمل ايه في الاستديو"، مضيفا "افتكر مين شجعك تكتب أغاني، مين خد منك أول أغنية في حياتك.

ويعود الخلاف بين الثنائي إلى ديسمبر الماضي حينما اتهم المطرب نادر أبو الليف نجل شقيقته الشاعر أيمن بهجت قمر بالتقصير في حقه في العمل، ورد الأخير على هذا الاتهام من خلال منشور عبر Facebook موضحا أن هذا الموضوع منذ 7 سنوات وأنه لا يحب الحديث عنه خاصة لوجود صلة قرابة بينه وبين نادر أبو الليف، لكن لأن الأخير ظهر أكثر من مرة وتحدث عن الأمر، وجب التوضيح.

وقال أيمن بهجت قمر "في 2009 لما اشتغلنا أنا وتوما والملحن محمد يحيى وقدمنا أول ألبوم لأبوالليف من إنتاجنا احنا ما استخسرناش أي حاجة معاه وعملنا ألبوم كسر الدنيا وللي حضراتكم ماتعرفهوش اننا لما تعاقدنا مع شركة إنتاج في وقت عزها وعز قنواتها اتفقنا أنا ويحيى وتوما على أن المبلغ اللي هتدفعه ميلودي هنقسمه على أربعة ومافكرناش أننا أسماء ونادر صوت جديد وبعد ما نحسب مثلا التكلفة الفعلية الكبيرة لللبوم واعتقد الكواليتي كان واضح يعني احنا كنا جدعان معاه وأوي كمان وكنا كمنتجين بناخد نسبه احنا التلاته 10 في الميه لكل واحد يعني لو ابو الليف طلع فرح كان بيطلع لي 300 جنيه".

وتابع: "حصلت مشاكل الشركة كانت بتقفل وحصل بينا وبينهم مشاكل وقضايا وكان ابو الليف هيتوقف لجأنا للمستشار مرتضى منصور اللي وقف جنبنا وقتها بلا مقابل بسبب تعاطفه معانا وبسبب تاني ان امير مرتضى كان عايز يخدمني ويستجدع معايا كعادته وبالفعل نجحنا اننا نتعاقد مع شركة نجوم ريكوردز ومضينا معاهم وتاني قسمنا مبلغ التعاقد على اربعه برغم اني كنت بطلع خسران كل البوم ومابكملش أجري كشاعر في الاغاني بس كان حماسي طاغي للتجربه".

وأكمل: بالرغم من أنه كان بيشتكي أن نوعية الأغاني اللي بكتبهاله مش بتأكله عيش زائد اننا متفقين معاه مافيش شارع الهرم من البداية جه قال أنا عايز أغني شعبي صرف وده ماكانش اتفاقنا اتفاجئنا اول ما سابنا انه راح عمل اغنيه اسمها كينج كونج 2 مع أخويا الشاعر هشام صادق وطبعا انا مازعلتش لإن ده هشام ومعاه مني تصريح يعمل اللي هو عايزه احنا اخوات بس استغربت بصراحه انت ليه يا نادر سبتنا عشان اغانينا مش بتنزلك لايف ورايح تعمل تاني نفس اللون! المهم لما مامشيتش الدنيا ابتدى يلمح بتقصيرنا معاه في اللقاءات وإلتزمنا الصمت .. سمعت كلام من عينة ان انا مانع ظهوره في القنوات واستغربت انه شايفني بالقوه والسطوه دي وكلام كتير بيوصلني بس مش ده المهم

واختتم كلامه: من سنتين لقيت الفنان أحمد فهمي بيرشحه لتتر مسلسل الواد سيد الشحات رحبت جدا وعادي والأغنية نزلت .. فأنا حقيقي مش فاهم لحد دلوقتي هو بيقول ليه كده وعايز ايه واحنا قصرنا في ايه ربنا يوفقك يا نادر ويكتب لك الخير في حياتك ومن فضلك كفايه لحد كده .. واسف طولت جدا.

اقرأ أيضا:

مبالغ صادمة.. أبطال "لن أعيش في جلباب أبي" يكشفون عن أجورهم لأول مرة

خالد الجندي: انتقادي بسبب نظارة هاري بوتر دليل على إدمان البعض للنفاق

بالفيديو- ظهور أكرم حسني في مسلسل "لؤلؤ"... الموسيقار أشرف جبنة