بعد هجوم رامي صبري على عزيز الشافعي... تامر حسين: مبحبش الطريقة دي من الشهرة

ولاء مطاوع | فى حياة المشاهير

تامر حسين ورامي صبري

الأربعاء , 6 يناير 2021 - 20:02 | اخر تحديث: الأربعاء , 6 يناير 2021 - 20:03

قرر الشاعر تامر حسين الدفاع عن الملحن عزيز الشافعي بعد هجوم الفنان رامي صبري عليه واتهامه بإعطاء أغنيتين عرضهما عليه للفنان عمرو دياب.
بعد هجوم رامي صبري... عزيز الشافعي يرد: كلام مالوش أساس من الصحة

ونشر تامر حسين عبر صفحته على Facebook رسالة لرامي صبري قال فيها: "ردا على شكراً والمُهاترات اللي بسمعها أولاً ليه بنجيب وبنقحم دايماً اسم عمرو دياب في جُملة مفيدة؟ إيه الغرض؟ ثانياً... توقيت البوست لما الأغنية انتشرت وكسرت الدنيا بالتفاعل وإقبال الناس عليها والإشادة بيها يعني ليه الكلام ده ما كانش في أول يوم مثلاً؟ ده لو فعلاً الكلام على حق".

تابع: "ثالثاً... اللي اتعلمته ومن أدبيات المهنة ولازم الناس كلها تفهمه فكرة الذوقيات يعنى إيه؟ يعني نبارك لبعض نهني بعض مش نتهم الناس في عز نجاحهم بالباطل لما أي مُطرب في الدنيا بتعجبه أغنية المؤلف والملحن بيعملوا (تنازل عن حقوق الاستغلال) للمطرب، طالما ما حصلتش الخطوة دي من زمان تبقى الأغنية ملك الشاعر والملحن لحين اختيار الأفضل، وارد جداً تسمع مطرب زميل أغنية من سنة سنتين ولضعف الرؤية الفنية ما يتخيلش نجاحها ده اللي بيفرق مطرب عن مُطرب في سُرعة اتخاذ القرار".

أوضح تامر حسين: "أنا شايف أن في تجني على حق المُلحن عزيز الشافعي أدبياً ومعنوياً دي شهادة حق ومش شايف تماماً أي داعي يسمح بالكلام والصراعات دي وللمرة المليون الناس المُحترمة ما تعلنش مشاكلها في العلن عيب في خصوصيات ما يصحش ندخل الجمهور فيها ونتهم ناس محترمة بالباطل أكيد مش هنزل فويس نوت نستشهِد بيها واحنا (أصحاب الحق) وربنا يهدي".

اختتم: "وأخيراً ياما ناس سمعت أغاني من سنة وسنتين وما كانش ليهم نصيب فيها ما عملهوش اللي بيتعمل ده لما الأغنية تنجح بالعكس فرحوا واتمنوا أنها ياريت لو كانت أغنيتهم بكل حُب وتقدير وروح حلوة وده بوست بكُل حُب والله عشان معنديش كلام يتقال تاني مش عايزين الموضوع ياخد أكبر من حجمه هى شُهرة للأغنية أكتر بس ما بحبش الطريقة دى من الشهرة".

وأغنية "شكرا" هي عاشر أغاني ألبوم الفنان عمرو دياب الجديد "يا أنا يا لأ"، ومن كلمات تامر حسين وعزيز الشافعي وتوزيع وسام عبد المنعم.

اقرأ أيضا:

أول تعليق من نهى العمروسي بعد إخلاء سبيل ابنتها في قضية الفيرمونت

رامي صبري يقرر وقف التعامل مع عزيز الشافعي بسبب عمرو دياب