بعد هجوم رامي صبري... عزيز الشافعي يرد: كلام مالوش أساس من الصحة

ولاء مطاوع | فى حياة المشاهير

رامي صبري وعزيز الشافعي

الأربعاء , 6 يناير 2021 - 19:29 | اخر تحديث: الأربعاء , 6 يناير 2021 - 19:29

رد الملحن عزيز الشافعي على اتهام الفنان رامي صبري له، بعدم الالتزام معه وإعطاء أغنيتين عرضهما عليه للفنان عمرو دياب وهما "شكرًا كده" و"زي ما أنتي".
رامي صبري يقرر وقف التعامل مع عزيز الشافعي بسبب عمرو دياب

وعبر صفحته على Facebook كتب عزيز الشافعي قائلا: "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا في نجاح فنان وبيزود رصيده مع الناس، بيعز عليه بعد كده يقلل منه حتى لو تجاوز، ورغم إن كلامه كله مالوش أي أساس من الصحة، أحب دايما أشوفه ناجح وبيكمل اللي عملناه".

تابع: "وبشكره على استجابته لطلبي وقراري الشخصي اللي بعتهوله الصبح من خلال صديقنا المشترك محمد حامد بإننا منشتغلش تاني ونكتفي بنجاحاتنا، وبعتذر للسادة الصحفيين اللي بيتصلوا بيا مش عايز أدي الموضوع أكبر من حجمه وبكتفي بالبوست ده وبالكلام المحترم اللي كتبه زميلي وشريكي تامر حسين على صفحته عن أغنية شكرا، أما بخصوص زي ما أنتي فممكن ترجعوا للصديق المشترك محمد حامد وتسألوه".

من ناحية آخرى كان آخر أعمال الفنان رامي صبري أغنية باسم "مش مرتاحين" والذي نشرها عبر حساباته الرسمية على مواقع التواصل الاجتماعي وقناته الرسمية على موقع الفيديوهات يوتيوب.

الأغنية يقدمها رامي صبري كتتر لمسلسل «طلقتك نفسي» الذي عرض على شاشة قناة النهار.

وشهدت الأغنية تعاون رامي مع عزيز الشافعي بكتابة كلمات الأغنية وتلحينها وقام تميم بالتوزيع الموسيقي والميكس.

اقرأ أيضا:

أول تعليق من نهى العمروسي بعد إخلاء سبيل ابنتها في قضية الفيرمونت

رامي صبري يقرر وقف التعامل مع عزيز الشافعي بسبب عمرو دياب