حمزة نمرة ينشر الأجزاء المحذوفة من "فاضي شوية"

مي جودة | فى موسيقى وحفلات

حمزة نمرة

الاثنين , 4 يناير 2021 - 23:01 | اخر تحديث: الاثنين , 4 يناير 2021 - 23:01

لاقت أغنية "فاضي شوية" التي طرحها الفنان حمزة نمرة مؤخرا، من ألبومه الجديد "مولود سنة 80"، نجاحا لافتا للأنظار.

حمزة نمرة: لا أنتمي لجماعة الإخوان

وروى نمرة كواليس الأغنية التي استمع لها للمرة الأولى منذ 3 سنوات حتى تم تسجيلها وطرحها في نهاية 2020، كاتبا عبر صفحته الرسمية بموقع Facebook: "قصة صغيرة ورا أغنية فاضي شوية: (الأغنية من كلمات خليل عز الدين)

الشاعر الكبير والصديق العزيز محمد السيد (اللي كتب لي تذكرتي ودوري وغيرهم)، من حين لآخر بيبعت لي كلمات لناس تانية بيبقى شايف إنهم شاطرين، وكان من ضمنهم الشاعر الجميل (خليل عز الدين).. النص ده اتبعت لي في أكتوبر ٢٠١٧، وعرفت إن خليل كتب الكلمات دي من ٢٠١٤ تقريباً! يعني الكلمات اتكتبت من حوالي ٧ سنين!
ومن ساعة ما قرأت الكلمات ودخلت قلبي مباشرة، وعاشت معايا السنين دي كلها عمّال بأدوّر إزاي الكلمات دي تتغنى وتطلع حلوة.. الحقيقة النص الأصلي كان صعب جداً في تلحينه نظراً لأنه مكتوب بطريقة مختلفة شوية عن الأغاني، لذلك كنت كل ما أبدأ فيها أعطل وأحس إن الأغنية مش مظبوطة.
في آخر ٢٠٢٠ ربنا أكرمني بفكرة لحن، كلمت خليل وقولت له هنحتاج نغير شوية في بعض الحتت عشان كل حاجة تظبط، والحقيقة استحملني كتير وجرّب وعدّل كتير جداً 😅
الحقيقة رغم السنين دي كلها إلا إني بأحمد ربنا إنه قدّر لي خروج الأغنية بالشكل ده، وبأحمد ربنا إنها أثرت في ناس كتير 💚
شكراً يا خليل عز الدين".

كما نشر النسخة الأولى من الكلمات بخط يده.

أغنية "فاضي شوية" من كلمات خليل عز الدين وألحان حمزة نَمِرة وتوزيع كريم عبد الوهاب وجيتار مصطفى أصلان.

اقرأ أيضا

محمد سليمان يرد على تريند "هاني": احنا بنتفرج علي الأفلام والمسلسلات علشان نقلد ولا علشان نفهم!

أحمد زاهر: المشاهد الساخنة والقبلات سيئة جارية