مصطفى درويش ودنيا ماهر يردان على تصريحات كاملة أبو ذكري

ولاء مطاوع | فى حياة المشاهير

مصطفى درويش ودنيا ماهر

الثلاثاء , 17 نوفمبر 2020 - 21:11 | اخر تحديث: الثلاثاء , 17 نوفمبر 2020 - 22:11

علق الفنان مصطفى درويش والفنانة دنيا ماهر على تصريحات المخرجة كاملة أبو ذكري حول غرور بعض أبطال مسلسلها "بـ100 وش".

وقال درويش في تصريح خاص لبرنامج ET بالعربي: "كاملة القائد بتاعنا فتنتقد وتعمل اللي هي عايزاه براحتها يعني" مؤكدًا أنه لم يتصور للحظة أنها تقصده لأن الغرور ليس من طباعه.

اقرأ أيضا: توضيح من كاملة أبو ذكري عن غرور أبطال "بـ 100 وش": قصدي شخصين فقط

وتابع مصطفى "كان موضوع بسيط والشخصيات المقصودة منه كمان، يعني كان ممكن يتحل بس كاملة من زعلها علينا ومن زعلها إنها عايزة تخلي النجاح ده بأدبه وإحترامه وليه هيبة، فهي عايزة تخليك ناجح بهيبة ومتزعلش الناس منك".

من جانبها قالت دنيا ماهر لـ ET بالعربي: "أنا شخصياً أبقى مبسوطة لو إتغريت شوية حاجة كويسة بالنسبة لي، بس أنا أظن إن هو كان سوء فهم والأستاذة رجعت قالت تصريحات مختلفة، وفي الآخر الأستاذة كاملة تقول اللي هي عايزاه".

كانت المخرجة كاملة أبو ذكري قد فاجأت متابعيها عبر موقع facebook بتوجيه انتقادات حادة لبعض أبطال مسلسلها "بـ100 وش" مشيرة إليهم بالوجوه الجديدة.

وقالت أبو ذكري في منشورها: "عرفت وسمعت واتأكدت إن بعض الممثلين المبتدئين من مسلسل بـ100 وش بعد النجاح الفظيع المريع لمسلسل بـ100 وش شافوا نفسهم والغرور سيطر على تصرفاتهم عايزه أقول لكم خسارة الغرور مقبرة الفنان زي ما قال لنا يوسف شاهينً ده أنتم لسه الناس ما تعرفش أساميكم الحقيقية وبتشاور عليكم باسم الشخصية إلى قدمتوها الغرور ممكن يقتلكم وغرور ليه أنتم مين أصلا كلنا مين أصلا دكتور مجدي يعقوب متواضع ولما تتكلم معاه بيحط راسه في الأرض مجدي يعقوب بجلالة قدره وربنا يهدي".

يذكر أن مسلسل "بـ100 وش" تم عرضه في شهر رمضان الماضي وهو من تأليف أحمد وائل وعمرو الدالي، إنتاج العدل جروب، إخراج كاملة أبو ذكري، وشارك في بطولته نيللي كريم، آسر ياسين، علا رشدي، إسلام إبراهيم، محمد عبد العظيم، شريف دسوقي، دنيا ماهر، سلوى محمد علي، حنان يوسف، زينب غريب وحسن أبو الروس.