11 تصريحا لمحمد فراج مع منى الشاذلي: منى زكي إيدها تقيلة وبتضرب بجد وخناقتي مع بسنت في الجونة خيال

مي فهمي | فى حياة المشاهير

محمد فراج

السبت , 14 نوفمبر 2020 - 11:52

حل الفنان محمد فراج ضيفاً في برنامج "معكم" مع الإعلامية منى الشاذلي على قناة cbc وذلك بمناسبة طرح أحدث أعماله وهو فيلم "الصندوق الأسود".

أبرز تصريحات منى زكي مع منى الشاذلي: دماغ فراج ورمت بسببي في "الصندوق الأسود" ومشاريعي بعيد عن التمثيل فشلت

وتحدث فراج من خلال البرنامج عن الفيلم وكواليس تصويره كما تطرق للحديث عن حياته الشخصية وخطيبته الممثلة بسنت شوقي.

ومن خلال هذا التقرير يقدم FilFan.com لقرائه أبرز تصريحات محمد فراد في "معكم" والتي جاءت كالتالي:

1- حسيت أن ربنا بيكافئنى لأن أول مرة أقف مع منى زكى فى فيلم "الصندوق الأسود" وكمان بعدها أصور مسلسل "تقاطع طرق"، وقلت ده كرم كبير من ربنا وأتحمست جدا لأنها أكتر ممثلة ونجمة اشتغلت معاها واستمتعت بالشغل ده لأن لديها كم من الاحترافية فى الشغلانة لا توصف.

2- لما تشتغلى مع منى زكى ولا هتحسى ولا هتشوفى النجومية اللى هى فيها ولكن بنشوف واحدة منغمسة فى وسط الشغلانة وبتموت نفسها وبتكون أقل من أى وجه جديد وخايفة وبتعمل أكتر من الناس العادية عشان الشغل.

3- أنا بحب منى زكي جدًا جدًا، وأنا من جمهورها، وبيبقى عندي طاقة إني أتعرف على الناس اللي بشتغل معاهم وأعرف شخصياتهم، ومرة كنا بنهزر راحت ضربتنى فى بطنى حسيت بوجوع جامد وسكت واكتشفت أن منى زكى إيدها تقيلة.

4- باسبوري ضاع وقت تصوير "الصندوق الأسود" في شرق أوروبا ودي كانت أصعب حاجة أمر بيها.

5- وفى وقت كورونا لقيت نفسى شخص ملتزم جدا، ودخلت المطبخ لأنى بحبه وأتعلمت وقتها الطبخ بس للحاجات البسيطة اللى تساعدنى فى اليوم نفسه، لكن أنا أصلا بحب المطبخ وبغسل المواعين وهدوم لنفسى لأنى عايش لوحدى.

6- التزمت وقت كورونا من خوفى على نفسى وعلى أهلى أكتر لأن أنتى بتشوفى الوعى عند الناس ضعيف، والأعداد بتزيد فى العالم كله، وكويس أنى قدرت التزم لأن أنا شخص مش بحب القعدة، ولكن التزمت لخوفى على أفراد عائلتى.

7- لما مكتب شريف عرفة كلمونى أنه عاوزنى فى فيلم "الممر" فضلت 3 أيام مش عارف أنام كويس ومانمتش 3 أيام كمان بعد ما قابلته، وأنا كنت طماع حبيت أغتنم الفرصة كلها، لأن كل عناصر العمل جميلة جدا وناس عظيمة، وكنت خايف وقتها ولكن مش بحب أظهر الخوف ده وأركز فى شغلى، ودى كانت أول مرة أمثل باللهجة الصعيدية.

8- رغم أصولى الصعيدية ولكن عمرى ما مثلت بالصعيدى وفي "الممر" الموضوع مكنش صعب بالنسبة لى، كمان الفيلم كان في حاجة حلوة وهو أن في خمس لهجات لكل شخص".

9- غيري حقيقي أخبار خناقتي مع بسنت في مهرجان الجونة، ماحصلش خالص وأنا شوفت الخبر وكأنه سيناريو.

10- اللى حصل مع بسنت في الجونة أنه كنا داخلين متأخرين جدا، وعاوزين نشوف الفيلم وسامعين المزيكا بتاعته بتبدأ وكنا هنتصور بس على السجادة بسرعة وفعلا اتصورنا سوا وبعد كده هى هتتصور لوحدها ومن لخمتها رميت الموبايل عشان تعرف تتصور.

10- سبب الذقن هي أني نصور مسلسل مع المخرج تامر محسن، ومحمد ممدوح وسيد رجب، وأنا مربيها من شهر 12 عندها سنة.

اقرأ أيضاً

تركت الطب للفن ثم اعتزلته من أجل تامر حسني ... معلومات عن المغربية بسمة بوسيل التي أعلنت طلاقهما وحذفته

ليس الانفصال الأول... القصة الكاملة لأزمة تامر حسني وبسمة بوسيل