أبرز تصريحات منى زكي مع منى الشاذلي: دماغ فراج ورمت بسببي في "الصندوق الأسود" ومشاريعي بعيد عن التمثيل فشلت

مي فهمي | فى حياة المشاهير

منى زكي

السبت , 14 نوفمبر 2020 - 11:11 | اخر تحديث: السبت , 14 نوفمبر 2020 - 11:11

حلت الفنانة منى زكي ضيفة في برنامج "معكم" مع الإعلامية منى الشاذلي على قناة cbc وذلك بمناسبة طرح أحدث أعمالها وهو فيلم "الصندوق الأسود".

وتحدثت منى زكي من خلال البرنامج عن الفيلم وكواليس تصويره كما تطرقت للحديث عن اسرتها وحياتها الشخصيةز

ومن خلال هذا التقرير يقدم FilFan.com لقرائه أبرز تصريحات منى زكي في "معكم" والتي جاءت كالتالي:

1- أول مرة أمثل مع محمد فراج في "الصندوق الأسود"، وأنا بحبه من وقت قهوة سادة وانبسطت أوى أننا اشتغلنا سوا لأنه موهوب جدا وشايفة أنه بيعمل حاجات مش متوقعة منه، وانبسطت كمان جدا مع مصطفى خاطر.

2- مكنش عندي أي تردد في قرار دخولي الفيلم، بالعكس كنت متحمسة، وفي حاجة الناس فهماها غلط، أنا كسرت حاجز الأربع سنين بدون تمثيل بفيلم العنكبوت مع أحمد السقا الأول قبل الصندوق الأسود، ولكن الصندوق الأسود هو اللي نزل الأول.

3- لما بقعد بعيد عن الشغل بكون مضايقة وصعبانة عليا السنين لما تعدى من غير ما أعمل شغل، وبيوحشنى شغلى أوى، لأنى أتربيت على الشغلانة وأنا أبتديت اشتغل فيها من وأنا عندى 13 سنة لغاية النهاردة، وحاولت أعمل أى حاجات تانية زي الانتاج وصالون للتجميل ولكن معرفتش.

4- قربنا رزقنى بـ3 أطفال كفاية عليا، وأنا ولادى لما بطلب منهم حاجة بيساعدونى وأنما الحاجات اللى تخصهم مش بيعملوها أوى، ماعدا الصغير بلطجى رسمى.

5- أنا أم شديدة وشوية حازمة وخليت بنتى تعمل كل حد من ولادى يعمل حاجته لنفسه، بس برده زى ما قلت ما عدا الأخرانى عشان لو لقيتوه بيهزقنى، ومش عارف أعمل عليه كنترول خلاص، وطاقتى خلصت مع اللى قبله.

6- أخر مرة عيطت فيها لما مامتى كانت تعبانة.

7- أحمد حلمى مش بيعرف يعمل أى أكل ولا حتى بيضة مسلوقة غير سد الحنك بس ومامتى اللى علمتهوله".

8- كنت بضرب فراج بجد فى الصندوق الأسود، وفى مرة دماغه ورمت زى "توم أند جيرى" بسبب ضربى له على رأسه بالمسدس.

اقرأ أيضاً

تركت الطب للفن ثم اعتزلته من أجل تامر حسني ... معلومات عن المغربية بسمة بوسيل التي أعلنت طلاقهما وحذفته

ليس الانفصال الأول... القصة الكاملة لأزمة تامر حسني وبسمة بوسيل