7 نقاط تلخص التحقيقات مع حنين حسام..فيديوهاتي مفيهاش إغراء وهاشتاج سريرك مسرحك يشجع على الإبداع

مروة لبيب | فى حياة المشاهير

حنين حسام

السبت , 25 يوليو 2020 - 18:32

حددت المحكمة الاقتصادة جلسة الاثنين المقبل لإصدار الحكم على المتهمتين حنين حسام ومودة الأدهم، و3 آخرين، في قضية التحريض على الفسق والاعتداء على قيم المجتمع، وألقت الشرطة القبض على المتهمة، وفي صباح اليوم التالي، مثلت المتهمة حنين حسام عبدالقادر، أمام جهات التحقيق، لسماع أقوالها فيما نُسب إليها من إتهامات، وذلك بحضور محاميها.

كان النائب العام وجه لهما تهم الاعتداء على مبادئ وقيم أسرية في المجتمع المصري وإنشائها وإدارتها واستخدامهم مواقع وحسابات خاصة عبر تطبيقات للتواصل الاجتماعي بشبكة المعلومات الدولية بهدف ارتكاب وتسهيل ارتكاب تلك الجريمة، وكذا اتهامها بارتكاب جريمة الاتجار بالبشر بتعاملها في أشخاص طبيعيين هنَّ فتيات استخدمتهنَّ في أعمال منافية لمبادئ وقيم المجتمع المصري للحصول من ورائها على منافع مادية وكان ذلك استغلالاً لحالة الضعف الاقتصادي وحاجة المجني عليهنَّ للمال والوعد بإعطائهنَّ مبالغ مالية، وقد ارتكبت تلك الجريمة من جماعة إجرامية مُنَظَّمة لأغراض الإتجار بالبشر تضم المتهمة وآخرين.

وفي 7 نقاط نقدم أبرز ما جاء في نص التحقيقات التي نشرتها "الوطن" مع حنين حسام:

1- بداية الموضوع إن شركة لايكي أنا بشتغل معاها بقالي سنتين وفي بينا عقد إلكتروني، ومضمونه غن الشركة بتطلب مني فيه إن أنا أعمل 20 فيديو في الشهر، وأشيره على تطبيق لايكي والفيديوهات بتبقى عبارة عن أن أنا بغني على الأغنية عادي وبرفق الهاشتاج الخاص بلايكي، في مقابل إني باخد 400 دولار وأنا فعلاً ملتزمة معاهم بكدة بقالي سنتين وباخد المبلغ ده ممكن يقل ممكن يكتر حسب اختيارهم للفيديوهات إن هي إضاءتها كويسة.

2- طلبوا مني كلا من/ محمد علاء ومحمد زكي في 26 مارس 2020 وهما شغالين في شركة لايكي والقائمين على إدارتها إنّي أعمل إعلان على الاستوري على الانستجرام بتاعي أنزل فيه فيديو وأقول فيه اللي هما قالولي عليه بالظبط إني هما كانوا عايزين مجموعة من البنات عشان يشتغلوا مذيعات في شركة لايكي، وأنا في الفيديو ده كنت بتكلم على مضمونه في قمة الأدب والاستوري دي أصلاً بتقعد على الحساب بتاعي لمدة 24 ساعة، وبتختفي بس بتفضل في الأرشيف عندي وفي ناس كتيرة عشان أنا عندي متابعين كتير اقتصوا أجزاء من الفيديو وأنا فوجئت إنه تمّ نشر ذلك المقطع، وبخصوص الموضوع أنا كنت بقول في الفيديو: إني محتاجة بنات أكبر من 18 سنة عشان يكون معاها بطاقتها وتتوثق في الشغل بشركة لايكي وينزل لها الفلوس عن طريق حسابها في البنك لو ليها حساب أو البطاقة بتاعتها عن طريق البريد لو ملهاش حساب، وأنا مجرد بس أعمل الإعلان بس اللي هي كلفتني بيه شركة لايكي، وميخصنيش حاجة تانية خالص بس أنا فاهمة الإجراءات اللي بيعملوها بعد كدة، بس أنا دوري يقتصر على الإعلان بس، والإجراءات إن البنت اللي عايزة تخش على لايكي تفتح لايف في ساعة إدارة لايكي هي اللي بتحددها، عشان الإدارة هي بتشوف، وفي اللايف البنت بتقدم نفسها وبتعرفهم على موهبتها سواء بتغني أو بتطبخ أو بترسم أو متحاورة، وفي آخر ساعة اللايف الإدارة بتقولها اتقبلتي أو اترفضتي ولو قبلت بتاخد البطاقة و"الآي دي" بتاعها عشان تفعلها، وبعد كدة بيدخلوها في جروب أنا مش فيه، يقولولهم فيه إدارة لايكي للبنات اللي قبلت المفروض تعمل إيه، اللي كنت بشرحه في الاستوري، مقابل إن إدارة لايكي بتدي البنات مرتبات مقابل التارجت اللي بيحصلوا عليه.

3- أنا مليش دعوة بكل الكلام ده دي الإجراءات اللى بتحصل لما البنت بتقبل في شركة لايكي، وأنا مجرد بس بعمل إعلان لشركة لايكي في مقابل مبلغ 3 آلاف جنيه عشان الإعلان اللي عملته ده، والمفروض بينزل بعد الإعلان بأسبوعين، والمفروض يكون نزل على حسابي اللي في بنك مصر، وأنا كل الموضوع زي ما أنا قلت إن نيتي خير وفيه ناس كتيرة ومشاهير كتير على لايكي.

4-بشتغل مع شركة لايكي من سنتين.. وفي بينا عقد إلكتروني بيلزمني بـ20 فيديو شهريا.

5-المبالغ اللي أعلنت عنها تتراوح ما بين 36 دولار إلى 3 آلاف دولار وبتكون على أساس المحتوى اللي بتقدمه البنت وهي البنت بتبقى فاتحة لايف والناس بتدعمها واللى بيعمل تارجت أكتر بياخد فلوس أكتر والتارجت ده نتيجة دعم الناس أكتر فبياخد نسبة أكتر، وهاشتاج "سريرك مسرحك" بنشجع الأطفال على الإبداع والفن ودوري يقتصر على الإعلان بس.. والبنت بتقدم نفسها في "اللايف" وتقول موهبتها.

6- حسبى الله ونعم الوكيل وأنا فيديوهاتي مفيهاش أي تحريض أو إغراء أو لبس مخل وكل الكلام ده ملوش أي أساس من الصحة.

7- أنا اللي ظهرت في فيديو أحمد نبيل وأنا كنت بشرح في الفيديو ده إن الشخص اللى اسمه أحمد نبيل بيستغل البنات اللي عنده في أفعال منافية للآداب.

في البيت بتلبس إسدالات... روبي ترد على سخرية زوج شقيقتها

حنين حسام