أمينة تحيي ذكرى رحيل شقيقتها: أنا تعبانة قوي

إيمان مندور | فى حياة المشاهير

أمينة

الثلاثاء , 7 يوليو 2020 - 16:10

أحيت الفنانة أمينة ذكرى رحيلها شقيقتها بكلمات مؤثرة عبر حسابها على Instagram.

اقرأ أيضا: بالصور- انهيار حمادة هلال في جنازة والدته

نشرت أمينة صورة لشقيقتها وعلقت عليها كاتبة: "يااه يا أختى سنة سنة عدت كأنها يوم وكأنى لسه بسمع وبيجيلى خبر إنك اتوفيتى زى مكالمة بابا لما اتوفى ومكالمة ماما لما اتوفت كل الصدمات دى باخدها عن طريق التليفون وأبدأ رحلة سفرى من مصر إلى إسكندرية وأنا قلبي بيوجعنى قوى وخايفة من المواجهة مواجهة حد مش هيتحرك ويحضنى ويدفينى ويشيل من عليا مواجهة حد هيبقى نايم بس أدامى واصحيه مابيصحاش مابيقومش يا وجع قلبي عليكم".

تابع: "٧/٧ ذكرى وفاتك يا زوزا أنا تعبانه قوى يا عزة بجد تعبانه وانتى كنتى بتهونى عليا كتير حتى لو بالكلام كل يوم بدعيلكم وبدعيلك قوى كل يوم لازم أبص على رقمك اللى لحد دلوقتى متسجل عندى لدرجة إنى بتصل بيه وعارفة ومتأكده إنك مش هتردى إحساس بجد بيحرق قلبي أنا متأكده إنك فى مكان أفضل ومرضك وصبرك على المرض بالضحكة اللى كانت مابتفارقش وشك رغم ألمك شفيع ليكى عند ربنا سبحانه وتعالى الله يرحمك ويغفرلك ويسامحك يا أطيب قلب كان فى الدنيا".

View this post on Instagram

A post shared by Amina (@aminasingereg) on Jul 6, 2020 at 7:35pm PDT

يذكر أن آخر أعمال أمينة كان أغنية "خليك فى البيت" بمشاركة المطرب أحمد شيبة، ومن كلمات شفيق كارما وألحان تامر حجاج، توزيع وهندسة صوتية محمد صقر، ومن إخراج هيثم عنتر.

اقرأ أيضا:

وفاء عامر: رجاء الجداوي عملت إيه عشان تتوب؟!

حلا شيحة تحذف جميع فيديوهاتها على TikTok