أنا خايف أموت قبل ماشوف نجاحي.. محمد صلاح يعلن إصابته بفيروس كورونا

مروة لبيب | فى حياة المشاهير

محمد صلاح

الاثنين , 6 يوليو 2020 - 19:54 | اخر تحديث: الاثنين , 6 يوليو 2020 - 21:37

أنضم ممثل جديد من الوسط الفني لمصابي فيروس كورونا المستجد.

كشف الفنان محمد صلاح عن إصابته بفيروس كورونا منذ يومين وخضوعه للعزل والعلاج في مستشفى صدر العباسية.

أحمد عيد يكشف حقيقة إصابته بكورونا

وعبر حسابه على Facebook، كتب محمد صلاح “بكتبلكم وأنا على سريري في مستشفى صدر العباسية، وبعد عمل أشعة مقطعية على الصدر اللي أكدت إني أصيبت بالوباء اللعين وقالولي اتأخرت ليه .. يمكن تكون آخر كلمات ليا في الدنيا دي.. اترددت كتير بس لقيت نفسي مش قادر وبكتب، لأني حسيت إحساس غريب حسيت إني مش خايف من الموت.. أنا خايف إني أموت قبل ما أشوف النجاح".

وأضاف "استغربت وقولت لنفسي أنت مش خايف من الموت؟، قولت والله لا .. أنا خايف أموت قبل ماشوف نجاحي .. بلدنا بقى الحلم فيها .. إنك بس تشتغل .. أنت بس بتحاول طول الوقت أنك تشتغل .. وتخبط على البيبان وكل البيبان بتتقفل في وشك".

واستكمل "شباب في أول عمرهم وشباب بقوا رجال، ورجال أصبحوا كهولا وبنات وسيدات موهوبين خريجين المعاهد والكليات الفنية وماوقفوش أمام كاميرا.. واللي هاجر واللي اكتأب واللي انتحر.. أجمل ما في الوجود الحلم والطموح وأقبح مافي الوجود عدم تحقيق الحلم أو الطموح ده”.

واستكمل "أنا كل اللي بتمناه العدل.. أن الموهوبين دول ياخدوا فرصة من الفرص الكتير قوي دي، معرفش إزاي ممكن يتحط النظام، اللي بيه كل الموهوبين الدارسين أعضاء نقابة المهن التمثيلية ياخدوا فرصة، واللي يثبت نفسه يكمل واللي مايثبتش نفسه الجمهور هايقول عليه لا، بس بعد ما يكون أخذ الفرصة”.

واختتم حديثه طارحا اقتراحلحل تلك المشكلة، قائلا: “فكرت ولقيت أن أنسب حل، وأنا يمكن ماحضرش تنفيذه أو حتى الموافقة عليه، هو عمل بروتوكول ملزم بين الدكتور أشرف زكي، بصفته نقيب فنانين مصر ورئيس أكاديمية الفنون المصرية، على فكرة اكاديمية الفنون في أمريكا هي اللي بتمنح جائزة الأوسكار، والأستاذ تامر مرسي، بصفته رئيس مجلس إدارة الشركة المتحدة للخدمات الإعلامية أكبر وأهم شركة إنتاج في الشرق الأوسط".

وتابع "وأنا عندي ثقة عظيمة في إحساسهم وتفانيهم في حب عملهم وحب مصر.. وطبعا بعد كده ممكن كل شركات الإنتاج والمخرجين يمضوا ويفعلوا نفس البرتوكول، واللي لازم الجميع يتفق على بنوده وصياغته، وأنا عندي ثقة كبيرة في كل القائمين على هذه الصناعة الكبيرة والعظيمة، وفي قائدنا الحكيم المخلص السيد الرئيس عبد الفتاح السيسي، اللي أكيد هايرحب بالعدل أو شكل من أشكال تحقيق العدالة، ويارب لو اتحقق الحلم ده، وكنت يعني لاقدر الله مت، أبقى مت وأنا مستريح وسيبت لأولادي مايفخروا بيه”.

وشارك محمد صلاح في العديد من الأعمال، مثل مسلسل الأب الروحي، وظل الرئيس، وعمارة رشدي، وولاد تسعة، ومكتوب على الجبين، والرحايا وحجر القلوب، والإمام المراغي، وإمام الدعاة، وعباس الأبيض في اليوم الأسود.

اقرأ أيضاً

ليلى علوي: مفيش بنت ما تعرضتش للتحرش ... وعشت التجربة في "المغتصبون"

ياريتك شوفتيه... تعليق شهيرة على بكاء عمرو أديب على رجاء الجداوي