أسامة أبو العطا ينتقد رفض المشاهد الساخنة: كنتوا مجروحين ليه من عبد الله بدر

إيمان مندور | فى حياة المشاهير

أسامة أبو العطا

الأربعاء , 1 يوليو 2020 - 11:07

انتقد الفنان أسامة أبو العطا تصريحات الفنان يوسف الشريف، التي أثارت جدلا كبيرا مؤخرا بشأن رفصه لتقديم المشاهد الساخنة.

اقرأ أيضا: ترك اللعب لأجل الصلاة... نجم الأهلي السابق يدافع عن يوسف الشريف

كتب أسامة عبر حسابه على Facebook: "لما هو الأخ بتاع شروط السخنية والتلامس والأخ التاني بتاع بنتي متمثلش كلهم أحرار ووجهات نظر كنتوا مجروحين ليه من عبدالله بدر لما قال بسفالة لفنانة (كم واحد اعتلاكي باسم الفن) هو نفس الكلام يمكن بدر كان متسق مش مدعي وبوشين".

كان يوسف الشريف قد صرح في برنامج "مساء dmc"، قائلا: "في قيود أنا بحطها لنفسي زيادة عن أي حد تاني، ودي حقيقة حتى لو وصلت لدرجة العقود.. دي حقيقة بقالها 10 سنين أو أكتر، ده من بعد فيلم هي فوضى، بدأت أفكر بالطريقة دي.. دي حرية شخصية طالما مبضرش حد.. أنا مبستريحش لو بقي فيه مشاهد ساخنة أو فيها قبلات.. دي قاعدة بطبقها على نفسي بس.. بدأت أحط قيود لأن قبل كده في منتجين اتفقت معاهم على ده ووقت التنفيذ غيروا كلامهم".

تابع: "وهنا أنا لا أزايد على زملائي أو إني أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إني بزايد عليهم أو بقول إني أحسن منهم.. خالص".

يُذكر أن أسامة أبو العطا شارك في موسم رمضان 2020 بمسلسل "بـ100 وش"، من بطولة آسر ياسين ونيللي كريم وعلا رشدي وإسلام إبراهيم ومصطفى ‏درويش ‏وشريف ‏دسوقي ومن تأليف عمرو الدالي وأحمد وائل، وإخراج كاملة أبو ذكري‏‎.‎

اقرأ أيضا:

بسبب عبلة كامل .. أحلام نقع في خطأ غير مقصود

رسالة مؤثرة من سعد الصغير لجمهوره