بعد مشاركته في "الاختيار"... رامز أمير يوجه رسالة للحاقدين

هالة أبو شامة | فى حياة المشاهير

رامز أمير

الخميس , 28 مايو 2020 - 19:07

شارك الفنان رامز أمير، في الموسم الرمضاني الماضي، من خلال مسلسل "الاختيار"، الذي استعرض قصة حياة الشهيد المنسي.

اقرأ أيضًا: نجيب ساويرس يرد على اقتراح محمد هنيدي بشراء Twitter

نشرت أمير، عبر حسابه الشخصي على موقع Instagram، صورة لأحد الأطفال وهو مندمج في مشاهدة مشهد استشهاده خلال أحداث المسلسل.

وعلق موجهًا رسالة لكل من حقد على نجاحه، كاتبًا: "قبل أي حاجة وأول حاجة الحمد لله، والشكر لله على مشاعركم الجميلة وحبكم، والله ده كرم كبير أوي من ربنا مش شطارة مني، تاني حاجة شكرا ليكم أنتم على كمية الحب اللي فعلا أكبر مني، أنا بجد متخيلتش إن حلقة واحدة من مسلسل الاختيار ممكن تعملي النجاح ده كله، أوعدكم إني هبذل كل اللي أقدر عليه عشان أبقى قد المسؤولية الكبيرة دي".

تابع: "وعاوز أقول حاجة للناس اللي بتشتمني وتقريبا بتشتم أي حد ناجح، والله مزعلان منكم، أنا متفهم عشان أنتوا مش بتشوفوا غير الهيصة والنجاح اللي ممكن فعلا يبان تافه ومستفز، بس صدقوني النجاح اللي بييجي في ثانية ده بيبقى وراه تعب سنين و بهدلة الناس مبتشفهاش، إن شاء الله الفترة الجاية هركز أكتر إني أشارككم جزء من التعب اللي أنا أقصده عشان زي ما اللي بيحبوني ليهم حق عليا، اللي بيشتموني برضه ليهم حق، أسف إني طولت عليكم وشكرا".

"الاختيار" بطولة أمير كرارة وأحمد العوضى ودينا فؤاد وسارة عادل وضياء عبد الخالق وعدد كبير من ضيوف الشرف، تأليف باهر ‏دويدار وإخراج بيتر ميمي وإنتاج شركة سينرجي‎.‎

يتناول المسلسل حياة أحمد صابر المنسي - قائد الكتيبة ‏‏103 صاعقة - الذي استشهد فى كمين "مربع البرث"، بمدينة رفح ‏المصرية ‏عام 2017، أثناء التصدي لهجوم إرهابي في سيناء، ‏على أن يُظهر العمل العديد من الجوانب الاجتماعية والإنسانية ‏في حياة البطل ‏الراحل‎.

اقرأ أيضًا:


القصة الحقيقية- (12) البطل محمد السباعي الذي جسده رامز أمير في "الاختيار

بعد مشاركته في "الاختيار"... رامز أمير يرد على انتقادات ظهوره بالزي العسكري