حنان مفيد فوزي تدافع عن محمد رمضان: ما هدمش الهرم الأكبر

ولاء مطاوع | فى حياة المشاهير

حنان مفيد فوزي ومحمد رمضان

الأربعاء , 26 فبراير 2020 - 21:37

دافعت الإعلامية حنان مفيد فوزي عن الفنان محمد رمضان بخصوص ما يتعرض له من هجوم عقب الأزمات التي واجهته مؤخرًا.‏

بفيديو من حفلاته... محمد رمضان يرد على عمرو مصطفى

نشرت حنان مفيد فوزي عبر حسابها الشخصي على Instagram صورة محمد رمضان وكتبت معلقة عليها: "أنا حقيقي مش قادرة افهم إيه، ‏أسباب الحملة الشرسة اللي ضد محمد رمضان دي، الرجل ده شقي وتعب لحد ما وصل للي هو فيه، الراجل ده ممثل موهوب ومؤدي ‏للأغاني عنده كاريزما واللون اللي بيعمله مش شبه حد".‏

تابعت: "ودي بشهادة ملايين جوه وبره مصر بيتواجدوا ف حفلاته و بيشجعوه أظن أعداد الناس دي كلها مش فوتوشوب ربنا صرف ‏له نجاح و جماهيرية برضا والدته عليه وعلي فكرة ( ثقة ف الله نجاح ) دي جملة والدته لها كل التقدير وحتى لما بيتصور جنب ‏عربياته اعتبروها أما بنعمة ربك فحدث".‏

أضافت حنان مفيد فوزي: "أظن أنا مش ممثلة ناشئة طمعانة في دور معاه عشان أقول الكلام ده ولا منتجة عايزة أتعاقد معاه على ‏فيلم ولا عندي برنامج عشان يطلع معايا فيه، الكلام ده لوجه الله لأنه بجد قصة نجاح وحتى لو حد مختلف عليه أو معاه مافيش حد ‏في الدنيا الناس كلها اتفقت عليه ده طبع الدنيا مع الأسف، وعلى فكرة الهجوم اللي عليه هيخليه يكسب أرضية جديدة لأن عنده إرادة ‏وعزيمة وثقة في الله و اللي بيذكر اسم الله جل جلاله في كل كلمة ربنا ينصره في كل خطوة".‏

تلقت فوزي تعليقًا يختلف معها في رأيها لترد قائلة: "صعب أوي الهجوم ده كتير أوي عليه ليه كده هو عمل إيه يعني هدم الهرم الأكبر؟ مش للدرجة دي يعني لو وقع الناس هتنبسط مثلا بيغني والناس بتطلب أغانيه و تشغلها في كل مناسبة هل مثلا مأجر الناس دي كلها كل واحد حر في ذوقه لكن مش ممكن ننكر إنه ناجح وجدا كمان".
‎‎
يذكر أن محمد رمضان واجه عدة أزمات مؤخرا، بدأت بأزمة الطيار أشرف أبو اليسر، الموقوف بسبب صورة رمضان معه ‏في ‏الطائرة، والذي أقام دعوى قضائية طالب فيها رمضان بتعويض مبلغ 25 مليون جنيه‎.‎ ‎مرورا بإلغاء دعوته لإحياء حفل مباراة ‏السوبر المصري بين الأهلي والزمالك في استاد محمد بن زايد ‏بالإمارات‎، ثم قرار الفنان هاني شاكر بإعادة النظر في منحه تصاريح ‏غناء مرة أخرى، وانتهاء بتصريحاته ضد الفنان عمرو دياب خلال حواره على التليفزيون المصري‎.‎
‎‎

اقرأ أيضا:

وفاة إعلامية عربية بجرعة مخدرات زائدة

فيديو- تصريحات صادمة لشيرين رضا... سر رفضها للزواج وعلاقتها بعمرو دياب ودينا الشربيني