توضيح من تامر حسني بشأن حملة الفقراء: لا أتظاهر بعمل الخير

إيمان مندور | فى حياة المشاهير

تامر حسني

الثلاثاء , 11 فبراير 2020 - 12:02 | اخر تحديث: الثلاثاء , 11 فبراير 2020 - 15:02

انضم الفنان تامر حسني للحملة التي اطلقتها دنيا ابنة الفنان صلاح عبد الله، بشأن اختيار شخص فقير ومساعدته، والتقاط صورة معه وهو مبتسم.

نشر تامر عبر حسابه على Instagram، صورة له مع الشخص الفقير الذي ساعده، كاتبا: "تضامنا مع فكرة دنيا صلاح عبد الله.. اختار حد متعرفوش من أهالينا المحتاجين وانزل شوف طلباته وفرحه باللي تقدر عليه واتصور معاه وهو مبتسم.. أحسنتي يا دنيا ربنا يكرمك وأنا من دلوقتي بتبنى الحملة دي ونفسي كلنا نعمل كدا وتبقى عادة نواظب عليها دايماً ربنا يكرمكوا كلكوا يا أهل الخير".

تابع: "ملحوظة لما روحت للراجل الطيب دا كان أصلاً بياكل وعزمني كمان واللي ربنا قدرني عليه حصل في الباطن عشان في ناس بتفهم غلط الفكرة مش تظاهر بالخير دي حملة عشان نتحد كلنا في إحساسنا بالمحتاجين والنوايا عالم بيها ربنا مش العباد ولسه الحملات جايه كتير وهنشارك فيها كلنا مع بعض إن شاء الله".

من ناحية أخرى، يعرض حاليا لتامر حسني في دور العرض السينمائية فيلم "الفلوس".

"الفلوس" من إخراج سعيد الماروق، سيناريو وحوار محمد عبد المعطي، وقصة تامر حسني، ويشارك في بطولته مع تامر حسني كل من خالد الصاوي، زينة، عائشة بن أحمد، ومحمد سلام.

ويواصل تامر حسنى تصوير أحداث فيلمه السينمائي الجديد "مش أنا" مع حلا شيحة وماجد الكدواني، وسوسن بدر، من تأليف تامر حسني وإخراج سارة وفيق في أولى التجارب الإنتاجية لحسام حسني شقيق تامر.

ويعد هذا الفيلم هو أول عمل سينمائي تشارك فيه حلا شيحة منذ عودتها للفن في 2018، وكانت قدمت مسلسل "زلزال" فقط في رمضان 2019 مع محمد رمضان.

اقرأ أيضا:

بيتكسفوا... أشرف زكي يبرر غياب النجوم الشباب عن عزاء نادية لطفي

نجلاء بدر لمنتقدي فساتين المهرجانات في الشتاء: بردانين بس مضطرين