أنا مش هسكت... رامي جمال يطلق حملة لدعم مرضى البهاق

إيمان مندور | فى حياة المشاهير

رامي جمال

الأربعاء , 13 نوفمبر 2019 - 16:50 | اخر تحديث: الأربعاء , 13 نوفمبر 2019 - 16:50

لا تزال تداعيات إعلان الفنان رامي جمال لإصابته بمرض البهاق، تلقى تفاعلا كبيرا من رواد مواقع التواصل الاجتماعي، وكذلك من العديد من المشاهير.

اقرأ أيضا: لأول مرة... رامي جمال يعلن عن مرضه: ارحموني ده ابتلاء

أعلن رامي عبر حسابه على Instagram، أنه سيدعم جميع مرضى البهاق، داعيا لضرورة التوعية بتفاصيل المرض وأنه غير معدي، كاتبا: "لو اترفضت بسببه في شغل ابعتلي ونعرّف الناس اسم المكان اللي مفيهوش إنسانية ده.. لو أنت أو أنتي اترفضتم من اللي هتتجوزوه بسببه.. أنتم الكسبانين اللي يبص على لون جلدك قبل لون قلبك إنسان فاضي ميتعاشرش".

تابع: "ياريت كل الناس يبقا عندها الحظ والدعم اللي شوفته منكم والدعم من ساعة ما كتبت.. والتليفزيون مبيتكلمش غير عليا.. نجوم حلقات الحلقات دكاترة جلدية مشكورين عرضوا علاجي وأنا بقولكم كتير أولى مني بالعلاج المجاني، وشايف ناس كتير بدأت حملات توعية آه متأخرين بس كويس أنهم بدأوا".

اقرأـ أيضا: طبيب شهير لرامي جمال: مرض البهاق لن يمنعك من الغناء

أضاف: "أنا مش هسكت وهعمل أغاني وحملات توعية عنه ومش هسكت إلا لما يبقا البهاق من علامات الجمال.. أنتم طمعتوني بالتحضر والرقي اللي شفته وبقت مسؤولية إني أنجح وابقى صوت لكل اللي اتميزوا بيه وادعمهم وأشوف فرحتهم زي ما فرحتوني".

View this post on Instagram

A post shared by Ramy Gamal (@ramygamalmusic) on Nov 13, 2019 at 6:03am PST

كان رامي جمال كتب عبر حسابه الخاص على‎ Facebook، إيضاحًا حول حالته الصحية، قائلًا: "الحمد لله ‏الذي أحبني ‏فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، ‏وجربت ‏انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل ‏بيزوده وكفاية ‏شغلانتي وصعوبتها والقلق الدائم من المستقبل".‏‎
‎
تابع: "وفعلا بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف ‏يسلم ‏واللي يسألني هو ده معدي، أنا بقالي سنة فعلا لو عندي حفلة أو تصوير بتعب على ما أشوف طريقة ‏أخفيه بيها ‏لدرجة خلت ناس تقول لي شوف بيزنس تاني أعمله علشان الناس مش هتقبلك كده".‏‎
‎
أضاف رامي جمال: "فكرت في كلامهم بصراحة ولقيت إن عندي حلين يا فعلا شكرا لحد كده على ‏الشغلانة ‏دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي بنا ‏ابتلاهم بيه ‏من نظرة إن شكله غريب الحمد لله على نعمة الأهل لأنهم الوحيدين اللي بيقبلوا الواحد زي ما هو، ‏طولت ‏عليكم بس قولت أشرككم في حياة فنان"‏‎.‎

اقرأ أيضا:

تامر حسني لرامي جمال: مرضك مش معدي... متخبيش نفسك

بعد إعلان مرضه... حمدي الميرغني لرامي جمال: كل ما تشوفني احمد ربنا