بعد إعلان مرضه... حمدي الميرغني لرامي جمال: كل ما تشوفني احمد ربنا

إيمان مندور | فى حياة المشاهير

حمدي الميرغني ورامي جمال

الاثنين , 11 نوفمبر 2019 - 10:32 | اخر تحديث: الاثنين , 11 نوفمبر 2019 - 10:33

كشف الفنان رامي جمال لأول مرة عن حالته الصحية، والتي يعاني منها منذ حوالي عام، معلنا إصابته بمرض البهاق، ومعاناته في إخفاء آثاره، ومدى تأثير ذلك على عمله بالفن.

اقرأ أيضا: لأول مرة... رامي جمال يعلن عن مرضه: ارحموني ده ابتلاء

علق الفنان حمدي الميرغني على هذا الخبر، معلنا دعمه لرامي وداعيا له بالشفاء، ثم وجه حديثه له عبر موقع Instagram، كاتبا: "ربنا يشفيك يا رامي ده مش حاجة أصلا.. ده الصداع أصعب منه ياخويا الناس كلها بتحبك.. وكل ما تشوفني احمد ربنا واعرف إنك في نعمة".

وكان رامي جمال كتب عبر حسابه الخاص على Facebook، إيضاحًا حول حالته الصحية، قائلًا: "الحمد لله الذي أحبني ‏فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، وجربت ‏انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية ‏شغلانتي وصعوبتها والقلق الدائم من المستقبل".‏

تابع: "وفعلا بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم ‏واللي يسألني هو ده معدي، أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها ‏لدرجة خلت ناس تقول لي شوف بيزنس تاني أعمله علشان الناس مش هتقبلك كده".‏

أضاف رامي جمال: "فكرت في كلامهم بصراحة ولقيت إن عندي حلين يا فعلا شكرا لحد كده على الشغلانة ‏دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي بنا ابتلاهم بيه ‏من نظرة إن شكله غريب الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت ‏عليكم بس قولت أشرككم في حياة فنان"‏.

اقرأ أيضا:

زينة تؤازر رامي جمال بعد إعلانه إصابته بـ"البهاق"

صورة- رسالة رامي جمال لزوجته: محتاجك قوية