رسالة زوجة رامي جمال للفنان الشاب بعد اصابته بالبهاق

هالة أبو شامة | فى حياة المشاهير

رامي جمال وزوجته

الثلاثاء , 12 نوفمبر 2019 - 00:03

أعلن الفنان رامي جمال، أمس الأحد، عن إصابته بمرض البهاق، مشيرًا إلى تفكيره في اعتزال الغناء، وذلك خوفًا من ردود الأفعال، تجاه ذلك المرض.

اقرأ أيضًا: صورة- الظهور الأول لرامي جمال بعد إعلان إصابته بـ"البهاق"

وحرص عدد كبير من أصدقائه الفنانين والمشاهير، على تقديم الدعم له، ومن بينهم زوجته ناريمان، التي وجهت رسالة له خلال لقائها في حلقة برنامج "عرب وود"، أعربت فيها عن حبها له وتمسكها به، حيث قالت: "عمري في حياتي ما كنت أتخيل إن ربنا يرزقني بزوج زيه وربنا يخليه ليا".

اقرأ أيضًا:صورة- أمل عرفة تنعي نفسها

ناريمان زوجة رامي جمال توجه رسالة له بعد إعلانه إصابته بالبهاق

ترقبوا اللقاء كاملًا قريبًا في #عرب_وود@RamyGamal pic.twitter.com/1JWEkFtF0P

— ArabWood - عرب وود (@ArabwoodTV) November 11, 2019

كان رامي جمال كتب عبر حسابه الخاص على Facebook، إيضاحًا حول حالته الصحية، قائلًا: "الحمد لله الذي أحبني ‏فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، وجربت ‏انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية ‏شغلانتي وصعوبتها والقلق الدائم من المستقبل".‏

تابع: "وفعلا بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم ‏واللي يسألني هو ده معدي، أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها ‏لدرجة خلت ناس تقول لي شوف بيزنس تاني أعمله علشان الناس مش هتقبلك كده".‏

أضاف رامي جمال: "فكرت في كلامهم بصراحة ولقيت إن عندي حلين يا فعلا شكرا لحد كده على الشغلانة ‏دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي بنا ابتلاهم بيه ‏من نظرة إن شكله غريب الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت ‏عليكم بس قولت أشرككم في حياة فنان"‏.