الشرنوبي يكشف مصير حفله القادم... وهذا سبب انسحابه من "شريط 6"

إيمان مندور | فى حياة المشاهير

محمد الشرنوبي

الاثنين , 28 أكتوبر 2019 - 12:18

لا تزال أزمة الفنان محمد الشرنوبي مع شركة Earth Production للمنتجة سارة الطباخ، تلقي بظلالها على أعماله الفنية الحالية.

تساءل الجمهور حول مصير حفلة الشرنوبي في 11 نوفمبر المقبل، بدار الأوبرا المصرية، والتي أعلن عنها قبل نجو أسبوع، رغم البيان التحذيري الذي أصدرته الشركة مع التعاقد معه دون الرجوع لها.

أكد الشرنوبي في لقاء عبر برنامج Et بالعربي، أن الحفل سيقام في موعده، وأنه منشغل حاليا بالبروفات والاستعداد للحفل، مضيفا: "المشاكل والقصص دي بقت دلوقت مع دكتور حسام لطيف أنا مليش دعوة بحاجة.. بعمل بروفاتي وكل حاجة ماشية زي الفل.. أي مشاكل دي حاجة بتاعت محاميين وإنذارات أنا مليش دعوة".

وعن سبب انسحابه من بطولة فيلم "شريط 6" ليكون بديلا عنه الفنان أحمد خالد صالح، أوضح الشرنوبي أنه لم ينسحب من العمل بسبب أزمته مع المنتجة سارة الطباخ مثلما قيل، قائلا: "كنا متفقين إن أنا هعمل الفيلم وفجأة حسيت إن أنا مش مرتاح.. في حاجة كده باعداني عن الفيلم وانا دايما لما بحس إني مش عايز اعمل حاجة مبعملهاش.. موقعتش عقد أنا اعتذرت لهم قبل تصوير الفيلم بفترة كويسة".

تابع: "أنا منسحبتش بسبب بيان شركة الانتاج.. لو زي ما اتقال مكنتش هعرف اعمل المسلسل وزي الفل ومفيش حاجة .. معنديش مشاكل خالص".

أما عن موقفه من مشاركة أحمد خالد صالح بديلا عنه في الفيلم، فقال: "أحمد صديقي.. من أكتر الناس اللي صحابي في الدنيا هو اللي بيعمل الدور مكاني دلوقت.. وبتنمناله كل خير".

على صعيد آخر، تحدث محمد الشرنوبي عن حياته العاطفية، وهل يعيش قصة حب حاليا، ليرد: "دي حاجة بتاعت ربنا.. وقت ربنا ما يأذن إن حد يكون في حياتي هيحصل وهيعوضني أكيد".

View this post on Instagram

#محمد_الشرنوبي يكشف لنا عن مصير حفله القادم الذي من بعد الاعلان عنه بدأت التساؤلات بسبب مشكلته الحالية مع شركة إيرث برودكشن. تابع المزيد في لينك البايو 👈 @etbilarabi

A post shared by ET بالعربي (@etbilarabi) on Oct 27, 2019 at 11:32am PDT

كانت شركة Earth Production لمالكتها سارة الطباخ قد أصدرت بيانا حذرت فيه شركات الإنتاج من التعامل مع محمد الشرنوبي، بعد محاولاته لفسخ التعاقد بينهما على إدارة أعمالها. (التفاصيل)