أم "المليجي": قصة "ماتيجي يا مليجي" في "نصيبي وقسمتك" مستوحاة من ابني!

مي جودة | فى سينما وتلفزيون

الملصق الدعائي لـ"ما تيجي يا مليجي"

السبت , 26 أكتوبر 2019 - 20:10 | اخر تحديث: السبت , 26 أكتوبر 2019 - 20:10

لاقت حلقات "ما تيجي يا مليجي" ضمن أحداث مسلسل "نصيبي وقسمتك 3" نجاحا كبيرا خاصة وأنها تتحدث عن حالات إنسانية.

كشفت إحدى السيدات عبر حسابها بموقع Facebook أن قصة "ما تيجي يا مليجي" مستوحاة من قصة ابنها إسلام المليجي، وكتبت: "(ماتيجي يامليجي) قصة من مسلسل (نصيبي وقسمتك) دى حكاية ابني اسلام المليجي اللي اتولد ونقص الاكسجين في المخ عمله إعاقة كلية".

وتابعت: "القصة وجعت قلبي وكأني شايفة ابنى إسلام قدامي بكل المشاعر اللي بجد بتوجع قلب أي أم على ابنها شكرا للمؤلف عمرو محمود ياسين، فيها شبه كبير من حياة ابني بالصدفة، شكرا محمد الشرنوبي، لتجسيد قصة بني آدم بيعرف يحس وبيحب ويتألم".

وأضافت: "على قد وجعي لكن النهاية أسعدتني وأدخلت الأمل جوا قلب ابني وقلبي ربنا يسعدكم زي ما اسعدتونا ويمتعكم بالصحة والسعادة والحب، إسلام المليجي قلبي يارب".

حكاية "ما تيجى يا مليجى" بطولة الفنانين محمد الشرنوبي ومحمود حجازى ودنيا عبد العزيز، هدى المفتي ومحمد يسري، وتأليف عمرو محمود ياسين، وإخراج مصطفى فكري.

اقرأ أيضا

صورة- محمود حجازي ومحمد الشرنوبي بـ"ضحكة fake"

خاص - تعرف على موقف محمد الشرنوبي القانوني بعد مشاركته في "نصيبي وقسمتك 3"