تامر فرج عن ظهوره المستمر مع زوجته: من غيرها اتوه

إيمان مندور | فى حياة المشاهير

تامر فرج وزوجته

الاثنين , 16 سبتمبر 2019 - 11:55 | اخر تحديث: الاثنين , 16 سبتمبر 2019 - 11:57

رد الفنان تامر فرج على الأسئلة التي وجهها له البعض، حول ظهوره باستمرار رفقة زوجته "رانيا"، سواء في التكريمات أو المناسبات المختلفة.

أبدى فرج استغرابه من السؤال، كاتبًا عبر عبر حسابه على Instagram: "دى تبقى مراتى.. زوجتى.. احنا زوجين..يعنى انا لوحدى ابقى فرد.. يبقى فى حاجه ناقصانى .. طب المفاجأة بقى.. رانيا بتحضر معايا كل يوم تصوير.. انا من غيرها اتوه.. دى مديرة حياتى كلها مش هتبقى مديرة اعمالى؟".

تابع" "أنا مستغرب السؤال.. هو المفروض الواحد يظهر من غير زوجته؟؟ هو المفروض الواحد يعرف ينبسط لوحده؟؟ من غير نصه التانى؟؟ طب يتجوز ليه؟؟ الموضوع مش محن ولا تلزيق..الموضوع اسمه موده و رحمه .. ازاى يبقى فى بينا موده ورحمه وانا شايفها طالع عينها فى إدارة بيت وتكوين أسرة واستكتر عليها تنبسط معايا او يجينى قلب انبسط وهى مش جنبى..اتكرم وهى مش معايا.. ماهو ده نتيجة شغلها برضه لازم تتكافئ عليه".

أضاف: "اومال المفروض مين إللى يشاركنى فرحتى؟؟ مش المفروض الست اللى بتشاركنى حياتى ولا مين؟؟.. ده مش محن ولا بكش ده المنطق إللى بيقول.. الحياه حلوه يا جماعه والجواز حلو بس احنا إللى بنبوظهم.. افرحوا بقى وانبسطوا يا ولاد الكئيبة وسيبوها على الله".

View this post on Instagram

واحده بتسألنى سؤال عجيب و هى مستغربه:" هو انت ماتروحش فى حته الا وهى معاك"؟؟؟!!! افندم؟؟ هو فين السؤال؟؟ اصل حضرتك دى تبقى مراتى.. زوجتى.. احنا زوجين..يعنى انا لوحدى ابقى فرد..يبقى فى حاجه ناقصانى .. طب المفاجأة بقى.. رانيا بتحضر معايا كل يوم تصوير.. انا من غيرها اتوه.. دى مديرة حياتى كلها مش هتبقى مديرة اعمالى؟؟ انا مستغرب السؤال.. هو المفروض الواحد يظهر من غير زوجته؟؟ هو المفروض الواحد يعرف ينبسط لوحده؟؟ من غير نصه التانى؟؟ طب يتجوز ليه؟؟ الموضوع مش محن ولا تلزيق..الموضوع اسمه موده و رحمه .. حاجه كده الدين امرنا بيها عشان كده الجواز اسمه نص الدين.. موده و رحمه.. ده ربنا إللى بيقول.. ازاى يبقى فى بينا موده و رحمه و انا شايفها طالع عينها فى إدارة بيت و تكوين أسره و استكتر عليها تنبسط معايا او يجينى قلب انبسط وهى مش جنبى..اتكرم وهى مش معايا.. ماهو ده نتيجة شغلها برضه لازم تتكافئ عليه.. اومال المفروض مين إللى يشاركنى فرحتى؟؟ مش المفروض الست إللى بتشاركنى حياتى ولا مين؟؟ ده مش محن ولا بكش ده المنطق إللى بيقول ناس كتير بتقولى دارى على شمعتك تقيد.. يا عم خاف من الحسد.. طب يعنى لما الواحد بيحصله مشاكل و يبقى كفران من عيشته و بيقعد يغرق الناس حواليه دموع و حزن و موجات سلبيه و نقعد ننشر فى قصص الطلاق و العنف الزوجى و الخيانه و الخرس الزوجى.. و نقعد نروج ان الرجاله بصباصه و الستات نكديه محدش بيقوله دارى على شمعتك وبنقعد نتخنق معاه ... مش الأولى لما نعيش تجربه سعيده ننشر الإيجابيات برضه و ندى للناس أمل و أسوه حسنه و موجات إيجابية و ندخل شوية أكسجين فى حياتنا بدل ما نخاف من الحسد و نتوكل احسن على الله انه هو إللى يحمينا؟؟؟ الحياه حلوه يا جماعه و الجواز حلو بس احنا إللى بنبوظهم افرحوا بقى وانبسطوا يا ولاد الكئيبه😂 و سيبوها على الله ملحوظه: الفانز بتوعى دلوقتى بقوا بيحبوا يتصوروا معانا انا و رانيا و ساعات معاها هى لوحدها كمان #تامر_فرج #ربنا_يخليهالى #نعم_للفرحه_لا_للغم Rania Hashem❤ @raniahashem_official ارجوكم شير للبوست ده يمكن يغير حياة حد

A post shared by Tamer Farag (@tamer_farag75) on Sep 15, 2019 at 6:17pm PDT

يُذكر أن تامر فرج شارك في بطولة مسلسل "طلعت روحي"، الذي قدم خلاله دور المحامي "بكير الحلواني" ولاقت الشخصية قبولًا وانتشارًا واسعًا على مواقع التواصل الاجتماعي.

كما شارك في بطولة مسلسل "قمر هادي" مع هاني سلامة والذي عرض في شهر رمضان 2019، وشارك فيه داليا مصطفى، ويسرا اللوزى، ومحسن محيى الدين، ونورهان ومريم حسن، وهادى الجيار وحمزة العيلى ومؤمن نور وهاجر عفيفى وآية سماحة، ومحمد علاء، وعزوز عادل وهايدى رفعت، وكريم سرور وياسمين ورحاب عرفة، ومن تأليف إسلام حافظ، وإخراج رؤوف عبد العزيز.

اقرأ أيضا:

صورة- تامر فرج يحتفل بتخرج ابنة زوجته

هكذا احتفل تامر فرج بعيد زواجه الأول