هل خلعت الحجاب؟.. دعاء فاروق للمنتقدين: ريحوا نفسكم

إيمان مندور | فى حياة المشاهير

دعاء فاروق

الأحد , 1 سبتمبر 2019 - 00:09 | اخر تحديث: الأحد , 1 سبتمبر 2019 - 00:09

ردت الإعلامية دعاء فاروق على ما تردد مؤخرًا حول نيتها خلع الحجاب، عقب ظهورها بـ"التربون" لأول مرة في برنامجها، قبل أيام.

كتبت فاروق، ساخرةً، عبر خاصية الاستوري عبر حسابها على Instagram: "ريحوا نفسكم لو خلعت الحجاب هخلعه جوا بيتي".

كانت دعاء فاروق قد أوضحت قبل أيام أنها عاشت سنين طويلة في حيرة، بسبب ترددها في ارتداء "التربون"، موضحة أنها قررت ارتدائها مؤخرًا بعيدًا عن شكلها خلالها، مضيفة: "الشكل والأذواق في اللبس متغيرة وعمري ما استنيت أخد رأي أي حد عشان ألبس أو ملبسش... في الآخر القرار قراري أنا.. وأنا المسؤولة عنه مش حد تاني".

View this post on Instagram

بالنسبة للتربون.. عشت سنين طويلة في تردد البسها ملبسهاش .. حلوة عليا مش حلوة عليا... مكبراني مصغراني... وبعدين قررت البسها بغض النظر عن شكلي لان الموضوع نسبي وكذا حد هيقول حلوة واكتر من حد هيقول وحشة وناس هتقول شكلك احلى بالحجاب العادي اكتر.. وناس تانية ذوق و مجاملين وهيقولوا انتي حلوة في كل حاجة ( بحبهم دول قوي) 😍😍🤣 الحقيقة الشكل والاذواق في اللبس متغيره وعمري ما استنيت اخد رأي اي حد عشان البس او ملبسش... في الاخر القرار قراري انا.. وانا المسؤولة عنه مش حد تاني... المهم الراحة نفسية.. وأعتقد الراحة النفسية بتتغير بتغير السن.. وانا أصغر مكنتش برتاح لشكلي بيها لما كبرت ارتحت... وبالتحديد اللي انا لابساها دي واسعة ومريحة مغطية الشعر بالكامل مش ضاغطة على ودني متبطنة ومش شفافة مش محتاجة البس تحتها اي طبقات... فيه ايشارب مغطي الرقبة... وحطيت فيه بروش لزوم الشوياكة (هيطلع حد يعلق دلوقتي وتقوللي انتي ازاي مذيعة وبتعلمي الناس وبتدي كورسات وتكتبي شوياكة اسمها شياكة.. معلش انا باخد دروس محو الأمية وان شاء الله هدخل اعدادية وهبقي لبلب في الكتابة استحملوني) المهم يعني التغيير في استايل اللبس مش جيريمة 🤣 بالنحوي جريمة... واي تغيير يخص صاحبه فقط ميخصش حد تاني 😁😁😁😍😍 اللي تحب ترتكب جريمة التربون اللي انا لابساها 😂 ممكن تطلبها من @aliya.elkhodiery_designs_ عندها كل الالوان اللي في الدنيا 😍😍

A post shared by Doaa Farouk (@doaafarouk) on Aug 30, 2019 at 2:49pm PDT

اقرأ أيضا:

موقف دعاء فاروق من "شماتة الستات" في أحمد السعدني

رغم الاختلاف في اللبس... دعاء فاروق مع بوسي شلبي وسهير جودة