موقف دعاء فاروق من "شماتة الستات" في أحمد السعدني

إيمان مندور | فى حياة المشاهير

دعاء فاروق وأحمد السعدني

الأحد , 11 أغسطس 2019 - 22:08 | اخر تحديث: الأحد , 11 أغسطس 2019 - 22:08

علّقت الإعلامية دعاء فاروق على اعتراف الفنان أحمد السعدني بالتقصير تجاه طليقته وأم أولاده، أمل سليمان، التي رحلت عن عالمنا يوم الجمعة 9 أغسطس، داخل أحد المستشفيات.

لأول مرة أحمد السعدني يتحدث عن طليقته: كنت ناوي أرجع لها

انتقدت دعاء عبر حسابها على Facebook ما وصفته بـ"شماتة" العديد من السيدات في أحمد السعدني، بسبب اعترافه بندمه على ما فعله تجاه أم أولاده، كاتبة: "أحمد السعدني مش عامل بوست عشان الستات تشمت فيه على فكرة هو عامل بوست عشان عديمي المسؤولية يتعظوا من الحدث الجلل اللي هو مر بيه وهو بيعترف إنه غلطان وندمان".

تابعت: "الستات بقى اللى بيعلقوا شمتانين وبيقولوا مش مسامحينك ومش مصدقينك وجو شماته كده مش فاهمة هي منها ليها بتثبت فيه ايه وعاوزة ايه؟؟ الراجل في مصيبة سودا وفي غم وفي غلب.. عياله اتلطموا يا عيني.. اللي أبوه بيموت اسمه يتيم واللي امه بتموت اسمه لطيم... مفيش أسوأ من اللي هو فيه".

أضافت دعاء: "تعليقاتكم سخيفة وملهاش لازمة... فيا ريت تحتفظوا بالغل ده للناس اللي اذوكم.. مش للراجل المكلوم في وفاة أم ولاده".

كانت أمل سليمان، طليقة أحمد السعدني، وأم أولاده ياسين وعبد الله، قد رحلت عن عالمنا الجمعة 9 أغسطس بعد تعرضها لسكتة قلبية داخل أحد المستشفيات، وشيعت أسرة الراحلة، جثمانها من مسجد سعاد كفافي، ظهر أمس السبت.

اقرأ أيضا:

تفاعل النجوم مع كلام أحمد السعدني عن طليقته: كلنا حاسين وجعك
هذه الصورة الوحيدة التي نشرها أحمد السعدني لطليقته الراحلة